ناوەندی هەواڵ

 

لەگەڵ بەردەوامی وەرگرتنەوە و گەڕاندنەوەی گەنجینەی کولتووری عێراقی و کەلوپەلی دێرین لە دەرەوەی وڵات، سەرۆک کۆماری عێراق ڕۆژی یەکشەممە بڕیاریدا هەزاران شوێنەواری عێراقی بگەڕێنێتەوە کە بەریتانیا قەرزی کردبوو.

 

 لە بەیاننامەیەکدا کە لەلایەن سەرۆکایەتی کۆماری عێراقەوە بڵاوکراوەتەوە، ئاماژە بەوە کراوە کە مەراسیمێک لە باڵیۆزخانەی عێراق لە لەندەن بەڕێوەچووە بۆ وەرگرتنەوەی ٦ هەزار شوێنەوار کە بەریتانیا لە ساڵی ١٩٣٣ ەوە بۆ مەبەستی لێکۆڵینەوە لە عێراق قەرزی کردبوو، بڕیارە کە پارچە شوێنەوارییەکان بگەڕێندرێتەوە بۆ مۆزەخانەی نیشتیمانی عێراق.

 

ئەحمەد سەحاف وتەبێژی وەزارەتی دەرەوەی عێراق لە بەیاننامەیەکدا پشتڕاستی کردەوە کە عێراق ٣٨ سندوق وەردەگرێت کە کەلوپەلی دێرینی عێراقی تێدایە کە لەلایەن بەریتانیاوە قەرزکراون.

 

وتەبێژی وەزارەتی دەرەوەی عێراق ئاماژەی بەوەشکرد، ژمارەی شوێنەوارەکان نزیکەی ٦٠٠٠ پارچەیە، لەگەڵ چوار سندوق کە پارچەی کۆپی بۆ مەبەستی لێکۆڵینەوە و دوو تابلۆ و شەش سندوقی کتێبی تێدایە.

 

بەڕێوەبەری ڕاگەیاندنی دەستەی دێرین و میراتی دەوڵەتی عێراق -SBAH ڕوونی کردەوە کە ئەو شوێنەوارانەی دۆزراونەتەوە ئاماژەیەکی گرنگن بۆ سەرکەوتنی دیپلۆماسیەتی عێراق لە وەرگرتنەوەی تەواوەتی کەلوپەلی دێرینەکانی.

 

عێراق گەورەترین ئۆپەراسیۆنی وەرگرتنەوەی کەلوپەلی کۆن و گەنجینەی کولتووری عێراقی ڕاگەیاند، بە وەرگرتنەوەی نزیکەی ١٧ هەزار شوێنەواری بەنرخ لە ئەمریکا لە کۆتایی مانگی تەمموزی ٢٠٢١.

 

عێراق یەکێکە لە دەوڵەمەندترین وڵاتەکانی جیهان بە کەلوپەلی کۆن، گەنجینەی شوێنەواری و کولتووری، بەهۆی زۆرییەوە، هەندێکجار بەسەر شوێنەوار و مێژووییەکاندا دەسوڕێنەوە، بەهۆی هۆکارە ژینگەیی و کەشوهەواییەکانی وەک باران و بارانبارینی بەخوڕ.

 

عێراق سەردەمانێک لانکەی کۆنترین شار و شارستانیەتەکانی جیهان بووە و هەزاران شوێنی شوێنەواری لە سەرانسەری وڵاتدا هەیە کە سەردەمانێک سۆمەری و بابلی و میتانی و ئاشووری تێیدا ژیاون.