ئامینە شەنیاشار: دەمەوێت لەم جەژنەدا کوڕەکەم ببینم
ئامینە شەنیاشار لە شوێنی ئێشکگری دادپەروەرییەوە کە ماوەی ٧٤٤ ڕۆژە بەردەوامە، وتی: "ئەوانەی خێزانەکەمیان کوشت نە زیندانی کران و نە سزادران، بەڵام دەمەوێت لەم جەژنەدا کوڕەکەم ئازاد بکرێت، من دەمەوێت لەم جەژنەدا کوڕەکەم ببینم."
ڕەحا
ڕۆژی ١٤ حوزەیرانی ساڵی ٢٠١٨، دوو کوڕ و هاوسەری ئامینە شەنیاشار لەلایەن کەسوکار و پاسەوانانی پەرلەمانتاری ئاکەپە ئیبراهیم حەلیل یەڵدز لە ڕەحا کوژران.
ئێشکگری دادپەروەری ئامینە شەنیاشار لەگەڵ کوڕەکەی بە ناوی فەریت کە لە هێرشەکەدا بریندار بوو، لە ڕۆژی ٧٤٤دا بەردەوامە.
بنەماڵەی شەنیاشار لە کاتژمێرەکانی سەرەتای بەیانی هاتنە بەردەم دەرگای دادگای ڕەحا و لەبەردەم لافیتەی "دادپەروەری بۆ بنەماڵەی شەنیاشار" درێژەیان بە ئێشکگری خۆیان دا.
"ئەوانەی ئەندامانی خێزانەکەمیان کوشت سزا نەدران"
ئامینە شەنیاشار ڕایگەیاند، هەرچەندە مانگی ڕەمەزانە لەبەردەم دەرگای دادگادان و وتی: " ناتوانین لە ماڵەوە ڕۆژوومان بشکێنین، هەموو بە ویژدانێک دێتە ئێرە و لەگەڵ ئێمە ڕۆژووەکەی دەشکێنێت، ئێمە لێرە دادەنیشین تا دادپەروەری جێبەجێ دەکرێت، ساڵی ڕابردوو هەموو ڕۆژەکانم لێرە بەسەر برد، ٦ ساڵە کوڕەکەم لە ژووری تاکەکەسیدا ڕاگیراوە، ئایا دۆخی ئێمە نابینن؟ گوێت لە دەنگی ئێمە نییە؟ ئایا کوێرن؟ دوو کوڕەکەم و هاوسەرەکەمیان کوشت و کوڕێکیشمیان خستە زیندانەوە، هەم حکومەت و هەم هەموو جیهان ڕاستییەکان دەزانن، خێزانەکەم دابەش بوون، ئەوانەی خێزانەکەمیان کوشت نە زیندانی کران و نە سزادران، من دەمەوێت لەم جەژنەدا کوڕەکەم ئازاد بکرێت، من دەمەوێت لەم جەژنەدا کوڕەکەم ببینم".
ڕۆژی ئەو پارێزەرانەی کە لە بەرامبەر نادادپەروەری بێدەنگ نەبوون بەرز ڕاگیرا
بنەماڵەی شەنیاشار لە هەژماری دیجیتاڵی میدیایی خۆیان ئەم پەیامەیان بڵاوکردەوە: "پرۆسەیەک کە بە خەباتێکی گەورەدا تێدەپەڕێت دژی نادادپەروەرییە گەورەکان کۆتایی دێت.
#٥ نیسان ڕۆژی پارێزەران لە هەموو ئەو پارێزەرە بەڕێزانە پیرۆز بێت کە لە بەرامبەر نادادپەروەریدا بێدەنگ نابن.
#با پێکەوە سەرکەوتوو بین