ناوەندی هەواڵ

 

بەگوێرەی ڕاپۆرتێک کە دەسەڵاتدارانی ویلایەتی هاوای بڵاوی کردۆتەوە، لیستی ناوی ٣٨٨ کەس کە بەهۆی ئاگرکەوتنەوەی دوورگەی ماویەوە گیانیان لەدەستداوە یان بێسەروشوێن بوون ڕاگەیەندراوە.

 

به پێی ئه م ڕاپۆرته، به هۆی ئاگر و گەرمای زۆر تەرمی هەندێک کەس بوون بەخۆڵ و ڕەنگه بە​​شێکی زۆریان ناناسرێتەوه.

 

باس لەوەش کراوە کە ئەم ئاگرکەوتنەوە جگە لە گیانلەدەستدانی سەدان کەس، چەندین خانوو و دامەزراوەی وێران کردووە و بەپێی خەمڵاندنی پەیمانگای موودی ئاماری ئەو زیانانە، کە سەروەت و سامانی پیشەسازی و نیشتەجێبوون و بازرگانی و ئۆتۆمبێل و ژێرخانی دەگرێتەوە ، بە چوار بۆ شەش ملیار دۆلار مەزەندە کراوە.

 

هەروەها زۆرترین زیان بە شاری مێژوویی لاهەینا کەوتووە و زیاتر لە دوو هەزار و ١٠٠ هێکتار زەوی سووتاوە و لانیکەم دوو هەزار و ٢٠٠ باڵەخانە وێران بووە.

 

بەگوێرەی ئەو ڕاپۆرتە بڵاوکراوە، لە ماوەی سەدەی ڕابردوودا، ئاگرکەوتنەوە لە دوورگەی مانوی کە بەهۆی گۆڕانی کەشوهەوا و زیادبوونی گەرما ڕوویدا، کوشندەترین ئاگرکەوتنەوە بووە لە ئەمریکا.