ناوەندی هەواڵ

 

بەپێی قسەی ته‌ڵعه‌ت ڕه‌فعه‌ت، به‌رپرسی ئاسایشى نه‌خۆشخانه‌ی گشتی خانه‌قین کە بۆ میدیاکانی کردووە، پێشنیوەڕۆى ئەمڕۆ له گەڕەکی بەختیاری‌ شارۆچكه‌ی خانه‌قینی سه‌ر به‌ پارێزگای دیاله‌، دایكێكی ته‌مه‌ن ٥٤ و كوڕە ٢٧ ساڵەکەی پێكه‌وه‌ كوژران.

 

بەپێی زانیارییەکان کوڕێکی دیکەی ژنەکە، دایکی و براکەی کوشتووە و دواتر هەڵهاتووە، پاشان لەلایەن هێزە ئەمنییەکانەوە دەستگیرکراوە.

 

ڕووداوەکانی کوشتن و خۆکوشتن لە باشووری کوردستان و عێراق هاوشێوەی سەرەتاکانی ساڵی ٢٠٢٢ ڕێژەکەی بەرزە، بەڵام بەهۆی بڕیارێکی وەزارەتی ڕۆشنبیری هەرێمی کوردستان کە قەدەغەی بڵاوکردنەوەی هەواڵەکانی کوشتن و خۆکوشتنی لە میدیاکانی هەرێمەوە کردووە، ڕووداوەکان شاراوەن و کوشتن و خۆکوشتنەکان بەتایبەت ژنان ناکەوێتەوە بەرچاو و ڕایگشتی لەسەری بێئاگا ماوەتەوە.