ناوەندی هەواڵ

 

بەرەبەیانی ئەمڕۆ ٣ی کانوونی یەکەم، سەدان خێزانی کۆچبەر لە شاری حەلەب و کانتۆنی عەفرین-شەهبا گەیشتنە کانتۆنی ڕەققە.

 

کۆچبەران لەو ناوەندانەدا جێگیرکراون کە لەلایەن خۆبەڕێوەبەرییەوە ئامادەکراون.

 

شانەی قەیرانەکانی خۆبەڕێوەبەری دیموکراتیکی کانتۆنی ڕەققە دوێنێ ٢ی کانوونی یەکەم، ڕایگەیاند کە شوێنیان بۆ پێشوازیکردن لە کۆچبەرانی حەلەب و کانتۆنی عەفرین-شەهبا ئامادە کردووە.

 

ئەمە لە کاتێکدایە لە چوارچێوەی ئامادەکارییەکاندا، بۆ پێشوازی لە کۆچبەران ١٠ خوێندنگە ئامادە کراون و و لە یاریگای شارەوانی لە شاری ڕەققە چادر دانراون، هەروەها لەو شوێنانە پێداویستی گەرمکەرەوە و خواردن و خواردنەوە و تەندروستی جێبەجێ کراوە.