ناوەندی هەواڵ

 

لە بادینان چەندین کەسایەتی ئازادیخواز و چالاکوانی سیاسی و زیندانیان هێرشەکەی ٧ی نیسانی سلێمانی شەرمەزار دەکەن و بەیاننامەیەک بڵاودەکەنەوە.

 

ژمارەیەک لە کەسانی ئازادیخواز و چالاکوانانی بادینان بەیاننامەیەکیان بڵاوکردوەتەوە و ئیدانەی هێرشەکەی سەر فرۆکەخانەی نێودەوڵەتی سلێمانی دەکەن، ئەمەش لە کاتێکدایە پاش هێرشەکەی ٧ نیسانی فڕۆکەخانەی سلێمانی لەلایەن چەندین کەسایەتی سیاسی،  ناڕازیی و زیندانیان، هەروەها لەلایەن هاوڵاتیان و ئازادیخوازانەوە شەرمەزارکرا.

 

لە بەیاننامەکەدا ئەو چالاکوانانە داوا لەحکومەتی عێراق و کۆمەڵگەی نێودەوڵەتی دەکەن سنورێک بۆ هێرشە بەردەوامەکانی دەوڵەتی تورکیا دابنێت کە بۆ سەر ناوچە جیاجیاکانی هەرێمی کوردستان ئەنجامی دەدات،  لە ئەنجامی هێرشەکانیشدا چەندین زیانی گیانی و مادی هەبووە کە سەدان هاوڵاتی مەدەنی لە هەرێمی کوردستان بوونەتە قوربانی و لەسەر ئاستی نێودەوڵەتیشدا بێدەنگی لێکراوە.

 

دەقی بەیاننامەکە بەم شێوەی خوارەوەیە:

‎پەیاما شەرمەزاركرنێ

 

‎ژ كوما ئازادیخوازێن بەهدینان بو باژێرێ  سلێمانیێ باژێرێ هەلمەت و قوربانیێ ….

 

‎دلێ لڤینەرێ دوزا كورد و لاندكا شورشێن هەرچوار پارچەیێن كوردستانێ .

 

‎ وەكە كوما ئازادیخوازو ریفورمخوازێن بەهدینان هێرشا تیرورستیا رژێما ئەردوگان و داردەستێن وان ل سەر فروكخانەیا نیڤ دە ولەتیا سلێمانیێ ب دژواری مەحكوم و شەرمزاردكەین، دهەمان دەمدا داخازێ ژ حكومەتا فیدرال و سازیێن نیڤ دەولەتی دكەین سنورەكێ ژ بو هێرشێن بەردەوامێن دوژمنكارانەیێن توركیا ل سەر دەڤەرێن جودا جودایێن باشورێ كوردستانێ بدانن، كو ژ سەدەما وێ ب سەدان هاولاتین سڤیل بونە قوربانی دەستێ رەشێ  تیرورا ئەردوگان.

‎هاولاتیێن هێژا …

 

‎سلێمانیێ و دیروكا پر سەروەریا خەلكێ شەرەفمەندێ وێ ئەو راستی بەرچاڤكریە ئەڤ باژێرە نەبتنێ بو بزاڤێن سیاسیێن ئاكنجیێن وێ پەناگەهەكێ ئارام بوویە بەلكو سلێمانیێ هەرگاڤ ئەو ئێك دووپاتكریە  كو مەیدان و گورەپانا تەڤایا بزاڤ و لڤین و فیلارێن كوردێن هەرچوار پارچەیێن كوردستانێ نە.

 

   ڤەحەویانا سمایل خانێ شكاك و مستەفا بارزانی و عەبدولرەمان زەبیحی و عەبدولرەحمان قاسملو و   فیلارێن شورشا باكور و روژئاڤایێ كوردستانێ ژ دەستێ رەشێ دەولەتا داگیركەرا توركیا راستیێن دیروك و كلتور و رەوشەنبیری  و وەلاتپارێزیا پر شانازیا سلێمانیێ نە.

 

‎كوردستانیێن ب روومەت

‎هێرشا ڤێ جارێ یا توركیا سەرەرای ئارمانجێن ئەشكەرایی ددەمەكێ دایە ب تاییبەت پشتی بریارا دادگەها پاریسێ وهەلوەشاندنا پروسێسا تالانكرنا نەفتا هەرێمێ ژ دەست دانا كارتا ئابوری ل هەمبەر بزاڤا رزگاریا گەلێن كوردستانێ ،كومەرەم تێكدانا ئاسایشا نیشتیمانی یاهەرێمێ و تێكدانا یەكێتی یا كوردان و زەقكرناهەڤركی و دوبەرەكیێ دناڤبەرا هێزێن جودا جودایێن هەرێمێ لدیڤ دا هەمی هەولێن نەڤەشارتیێن ئەردوگان  بو هەلوەشاندنا قەوارەیێ    دستوریێ هەرێما كوردستانێ نە ،لەوما جارەكا دی  ئەڤێ هێرشا تیرورستیانەیا توركیا مەحكوم و شەرمزاردكەین ،  دبێژینە كاربدەستێن حكومەتا دەم بسەرڤەچوویا هەرێمێ   گەر هەوە وێرەكیا شەرمزاركرنا كریارێن تیرورستیێن بەردەوامێن وەتوركیا نەبیت بەهانەوئارگومەنتان ژبو هێرشێن توركیا نەئینن ژبەركو دیروك رەحمێ ب هەوە نابەت .

 

بژیت تەڤایا گەلێن كوردستانێ

‎دهوك -جادەیا گرتیێن بەهدینان