سۆرگوڵ شێخۆ

 

تل تەمر- کۆچبەران وەک هەموو کەسێک خۆشی جەژن ئەزموون ناکەن، خۆشی و دڵخۆشییان هەمیشە کەمی هەیە، کۆچبەر عەروبە مەحمود، خەڵکی گوندی ئەریشەی سەرێکانییە، کە لە ٩ی تشرینی یەکەمی ٢٠١٩ەوە لەلایەن دەوڵەتی داگیرکەری تورک و چەتەکانییەوە داگیرکراوە، لەگەڵ خێزانەکەی کە ٦ کەسن، لە شاری تل تەمر نیشتەجێیە، سەبارەت بە خۆشی مانگی ڕەمەزان و سەختییەکانی کۆچ و هیواکانی گەڕانەوە بۆ ئاژانسەکەمان قسەی کرد.

 

عەروبا مەحمود کە ئەمساڵ ٦ ساڵە لە ماڵ و گوندەکەی ئاوارە بووە، بەم قسانە باس لە پێشوازیکردن لەو جەژنە دەکات کە خەم و پەژارەی لە دوای خۆیدا هێناوەو وتی: لەم ٦ ساڵەی داگیرکاریدا، هیچ جەژنێکمان بە بێ ئازارو زیان نەبینیوە، لەبەر ئەوەی لە ماڵەکانمان ئاوارە بووین، لە گەلەکەمان جیا بووینەوە و پەرش و بڵاو بووینەوە، زێرەکانی هاوسەرگیرییەکەمم فرۆشت و ماڵم پێکڕی بەڵام مەڵەکەمیان وێران کردووە هەروەها بەشێکی دیکەیان کردووەتە بنکەیەک بۆ زرێپۆشەکانیان کە شەو و ڕۆژ گوندەکانی دیکە بۆردوومان دەکەن.

 

"ژیان لەژێر سایەی داگیرکاریدا مردنێکی زیندووە"

عەروبە مەحمود سەختی و مەترسییەکانی ژیانی لەژێر سێبەری داگیرکەری تورکیادا بەبیرهێنایەوەو وتی: ئەو باندانەی هاتوون دزی و تاڵانچیین، ترسی ئێمە ئەوەیە کە دەستدرێژی بکەنە سەر ئێمەی ژنان، هەر بۆیە ئێمە قبوڵ ناکەین ژیان لەژێر سێبەری داگیرکاریدا بێت، ئەمە مەترسییە بۆ سەر ژیانی من و ژیانی کچەکانم، ژیانێکی مردووە، هەر بۆیە ئێمە دەمانەوێت لە ژێر سێبەری ئیدارەی خۆبەڕیوەبەرییدا بژین.

 

"ئازاری کۆچکردن بە هاوپشتی و هاوبەشی کۆمەڵایەتی سووک دەبێت"

عەروبا مەحمەد جەختی لە پەیوەندی لەگەڵ گەلانی دیکە کردەوە و ئاماژەی بەوەدا کە ئەوەی ئازار و مەینەتی کۆچکردن کەمدەکاتەوە، هاوپشتی کۆمەڵایەتییە لەگەڵ کورد و ئاشوورییەکان وتی: ئێمە جیاوازیمان لە نێوان کورد و ئاشوورییەکان نەکردووە، دۆستایەتی لەگەڵ هەموو گەلان ئازاری ئاوارەبوونمان ئاسانتر کردووە، لەبەر ئەوەی لەسەر ئەم خاکە پێکەوە دەژین، ئێمە و ئاشوورییەکان پێکەوە ئاوارە بووین، ئێمە پێکەوە هاوبەشی ئازار و خۆشییەکانی ئەم وڵاتەین.

 

"من ٦ ساڵە گۆڕی براکەمم نەبینیوە و ئاوم بەسەردا ڕشتووە"

 عەروبە مەحمود  بەبۆنەی جەژنی ڕەمەزانەوە پیرۆزبایی لە هەموو لایەک کرد و ڕایگەیاند، لەماوەی ساڵانی کۆچدا خۆشییان لە ڕۆژانی جەژندا کەمتر دەبێتەوە، و وتی: جەژنەکانمان کەمتر دەبنەوە و خۆشییەکانمان وەک پێویست نین، چونکە ئێمە لەگەڵ خێزانەکانماندا نین، لەماوەی ٦ ساڵی ڕابردوودا، لەماوەی ڕۆژانی جەژندا سەردانی گۆڕستانەکانمان نەکردووەو ئاومان لەسەر گۆڕەکانیان نەڕشتووە لەو ڕۆژەوەی گوندەکەمان بەجێهێشتووە، بەڵام گوندەکە وێران بووە، سووتاوە و ئەوەی دیکەش دەدزرێت.

 

داواکاری بۆ ڕێککەوتن بۆ دەستەبەرکردنی گەڕانەوەی پارێزراو

عەروبە مەحمود لە کۆتاییدا هیوای خۆی بۆ گەڕانەوەیان بۆ گوند و شارە داگیرکراوەکانیان لە ڕێگەی دامەزراندنی ڕێککەوتنەکانەوە دەربڕی: ئێمە خوازیاری گەڕانەوەی پارێزراوین، داواکارین کە ئیدارەی خۆبەڕیوەبەری و حکومەتی کاتی هەتەشەو لایەنەکانی دیکە لەسەر مێزەکە کۆببنەوە و بگەنە ڕێککەوتن بۆ گەڕانەوەی ئاوارەکان بە شێوەیەکی ئاشتیانە.