ناوەندی هەواڵ

 

یەکێتی ژنانی کوردستان لە پێگەی فەرمی خۆی لە تۆڕی کۆمەڵایەتی فەیسبووک سەبارەت بە چالاکییەکی هۆشیارکردنەوەی ژنان لە شێرپەنجەی مەمک ڕاگەیاندراوێکی بڵاوکردەوەو تێیدا هاتووە: یەکێتی ژنانی کوردستان بە هاوکاری لەگەڵ بەڕێوەبەرایەتیی گشتیی تەندرووستیی هەڵەبجە هەڵمەتی هۆشیاریی شێرپەنجەی مەمک بۆ پاراستن و هۆشیارکردنەوەی ژنان ڕاگەیاند.

 

ئاماژە بەوەشکراوە، هەڵمەتێکی یەک هەفتەییە بۆ ئەنجامدانی پشکنینی پێشوەختەی شێرپەنجەی مەمک بەبێ وەرگرتنی هیچ بڕە پارەیەک، لەگەڵ ئەوەشدا ژنان دەتوانن لەو ماوەیەدا سەردانی سەنتەری نەخۆشییەکانی هەرس و جگەر و نەخۆشییەکانی مەمک بۆ ئەنجامدانی پشکنین بکەن.

 

باس لەوەشکراوە، لە ئەمڕۆە دەتوانن سەردانی سەنتەرەکە بکەن و پشکنینەکان لە کاتژمێر ٨:٣٠ـی بەیانی تا ١٢:٠٠ـی نیوەڕۆ ئەنجامدەدریت.