ناوەندی هەواڵ

 

بەپێی چەند بانگەوازییەکی ژمارەیەک کەسایەتی و ڕۆشنبیر، کە وەک نوێنەری خۆپیشاندانەکان بڵاویان کردووەتەوە، بە مەبەستی ناڕەزایەتی دەربڕین و شەرمەزارکردنی ھێرشە ئاسمانیەکەی دەوڵەتی تورکیا بۆ سەر فرۆکەخانەی نێودەوڵەتی سلێمانی گردبوونەوەی ناڕەزایەتی ئەنجام دەدرێت و هێرشەکە بە پێشێلکاریەکی ئاشکرا بۆ سەر خاک و کەرامەتی خەڵکی کوردستان لە قەڵەم دەدەن.

 

شوێنی چالاکییەکان لە شارۆچکەکانی پارێزگای سلێمانی

بەپێی بانگەوازییەکە، ئەمڕۆ، ١٠ی نیسان لە کاتژمێر ٤:٠٠ی پاشنیوەڕۆ لە هەریەک لە کەلار-پارکی تەنیشت گەراجی شەهیدان، ڕانیە-باخی گشتی ڕانیە و لە دەربەندیخان-قاوەخانەی کولتووری، گردبوونەوە ئەنجام دەدرێت و داوا دەکەن لە سۆنگەی بەرپرسیارێتییەوە کەسانی نیشتمان پەروەر و ئازادیخواز و هاوڵاتیان بەشداری بکەن.