سیلڤا ئیبراهیم

 

مەنبج- لە چوارچێوەی چالاکییەکانی ڕۆژی جیهانی کەسانی خاوەن پێداویستی تایبەت، لیژنەی کاروباری کۆمەڵایەتی و کار لە شاری مەنبج لە باکووری ڕۆژهەڵاتی سوریا پێشانگایەکی بازاڕگەرییان ئەنجامدا بۆ پاڵپشتیکردنی کەسانی خاوەن پێداویستی تایبەت لە ڕووی دارایی و ئەخلاقییەوە لە ژێر دروشمی "خەڵکی ئیرادەدارن"، ئێمە لەگەڵ ئێوەین ".

 

پێشانگای بازاڕکردن کە لە ماوەی دوو ڕۆژدا ٤-٥ی کانوونی دووەم ڕێکدەخرێت، یەکەم پێشانگایە لە جۆری خۆیدا لە شارەکە و بۆ پشتگیریکردنی کەسانی خاوەن پێداویستی تایبەت لە ڕۆژە نێودەوڵەتییەکەیاندا کە دەکەوێتە ٣ی کانوونی دووەمەوە، پێشانگاکە کاری دەستی لەخۆگرتبوو کە لە نێوان قوماش و تابلۆ و هونەرە جۆراوجۆرەکان بوو، هەروەها وێنەکێشان لەسەر دار.

 

لە پەراوێزی پێشانگاکەدا، جێگری هاوسەرۆکی لیژنەی کاروباری کۆمەڵایەتی و کار، مونتەها باشماف، سەبارەت بە پێشانگاکە بە ئاژانسەکەمانی ڕاگەیاند، "پێشانگاکە یەکەمین پێشانگایە لە جۆری خۆیەتی لە شاری مەنبج لەوەتەی ئازاد کراوە، و ئامانجی ئەم بۆنەیە ڕاکێشانی سەرنجی کۆمەڵگەیە بۆ ئەم گرووپە، بەو پێیەی ئیرادەی هەیە و دەتوانێت ڕۆڵی خۆی لە کۆمەڵگەدا بگێڕێت"، ئاماژە بەوە دەکات داهاتی ئەم پێشانگایە دەچێتە خزمەتی کەسانی خاوەن پێداویستی تایبەت.

 

ئاماژەی بەوەشکرد، هەموو ئەو کەسانەی لەم پێشانگایەدا کارەکانیان پێشکەش کرد و بەخشینیان کرد، بەشدارییان لە سەرکەوتنی پێشانگاکەدا کرد، هەروەها جەختی لەسەر پێویستی هاودەنگی لەنێوان هەمووان کردەوە.

 

لای خۆیەوە، غەدە جاسم، بەشداربوویەکی خاوەن پێداویستی تایبەت، دڵخۆشی خۆی بەو دەستپێشخەرییە دەربڕی و ڕایگەیاند، "دەرفەتێکە بۆ ئاشنابوون بە  کارە دەستییەکان، جەختیشی لەوە کردەوە کە  دەبێت ئەم هەوڵانە بەردەوامبێت بۆ خزمەتی کەسانی خاوەنپێداویستی تایبەت."

 

سەبارەت بە تەسنیم صالح، کە بەشداری لە کارەکانی لە پێشانگاکە کرد ، ئاماژەی بەوەشکرد، "بۆ پشتیوانی لە کەسانی خاوەن پێداویستی تایبەت، بەشداریمان لە کارەکانمان کرد بۆ ئەوەی لەم پێشانگایەدا بیفرۆشین، و سەرجەم داهاتەکەی دەخرێتە ناو سندوقی بەخشینەکانەوە".

 

٣ی کانونی یەکەم هاوکاتە لەگەڵ ڕۆژی جیهانی کەسانی خاوەن پێداویستی تایبەت کە لە ساڵی ١٩٩٢ لەلایەن نەتەوە یەکگرتووەکانەوە پەسەندکرا، ئامانجی ئەم ڕۆژە هۆشیارکردنەوەی پرسەکانی کەمئەندامی و پاڵپشتیکردنی ئەو دیزاینانەیە کە دۆست بێت بۆ هەمووان بەمەبەستی زامنکردنی مافی خاوەن پێداویستییە تایبەتەکان.