سلێمانی

 

ڕێکخراوی بەدیل بۆ دیبەیت بە هاوکاری ڕێکخراوی نیدی ئەمریکی گفتوگۆیەکی کراوەیان لەبارەی یاسای مافی بەدەستهێنانی زانیاری بۆ ڕۆژنامەنووسان، کەسانی ئەکادیمی، نوێنەری سەندیکای ڕۆژنامەنووسان، چالاکوانان، ڕێکخراوەکان، نوێنەری پەرلەمان، یاساناس و وەزارەتی ڕۆشنبیری ئەنجامدا.

 

لە گفتوگۆکەدا هەریەک لە بەشداربووان باسیان لە هۆکارەکانی جێبەجێنەکردنی یاساکە کرد، هاوکات گفتوگۆیان لەبارەی ئەوەکرد، کە یاساکە تایبەت نییە بە ڕۆژنامەنووسان و بۆ هەموو هاوڵاتیانە، هاوکات ڕۆژنامەنووسان خۆیان سکاڵا تۆمار ناکەن.

 

ساڤۆ سەردار، پێشکەشکار لە لێدوانێکدا بۆ ئاژانسی نوژنها ئاماژەی بۆ ئەوەکرد، ئەگەر ڕۆتیناتی دادگاکان و زۆری ماوەی کەیسەکان وا لە ڕۆژنامەنووسەکان دەکەن پەنا بۆ سکاڵا تۆمارکردن نەبن، هاوکات یاساکانیش جێبەجێناکرێن.

 

ئەو بە پێویستی دەزانێت کە ڕێکخراوەکان و ڕۆژنامەنووسان فشاربکەن بۆ جێبەجێکردنی یاساکان، لەکاتی ڕووبەڕوو بوونەوەی هەر کێشەیەکیشدا بە یاسا مامەڵەبکەن.

 

ئەم گفتوگۆیەی ڕێکخراوی بەدیل ڕێکیخستوە لە چوارچێوەی پڕۆژەی "دروستکردنی پردی پەیوەندی نێوان هاوڵاتی و حکومەت"ە.

 

ت.پ