شارەکانی عێراق بەرزترین تۆمارەکانی گەرما دەشکێنن
بەرزبوونەوەی پلەکانی گەرما لە شارەکانی عێراق بەردەوامە، خانەقین دەچێتە لیستی گەرمترین شارەکانی جیهان.
ناوەندی هەواڵ
ئەمڕۆ دووشەممە، پانزە شاری عێراق لە پێشەنگی لیستی ئەو شارانەدا بوون کە بەرزترین پلەی گەرمایان لە جیهاندا هەیە.
قەزای خانەقین لە پارێزگای دیالە بەرزترین پلەی گەرما لە جیهاندا تۆمار کردووە و گەیشتووەتە ٥٢.٤ پلە، هاوکات شارەکانی ناسریە، کەربەلا، دیوانیە، ڕەفاعی، بەدرە، کوت، عەین ئەلتەمر، بەغدا و سەماوە گەرما ٥٠ پلەی سیلیزی و زیاتری تێپەڕاندووە.