ناوەندی هەواڵ

 

شەوی ڕابردوو بەڕێوەبەری پۆلیسی پێنجوێن ڕایگەیاند، کچێکی تەمەن ١٤ ساڵان بە خنکاوی تەرمەکەی دۆزراوەتەوە و تا ئێستا نازاندرێت ڕووداوەکە چۆن ڕوویداو، بە پێی ئەو زانیارییانەی دراوە، شەوی ڕابردوو کاتژمێر ٩:٣٠ پۆلیسی پێنجوێن لە بوونی رووداوێکی دڵتەزێن، کە حاڵەتێکی خنکان بوو ئاگادار کراونەتەوە.

 

ناوی کچە خنکاوەکە "هەستیا فاروق" و لەدایکبووی ٢٠٠٨ و پیشەی خوێندکارە، هەستیا فاروق دانیشتووی سەیدسادقە، بە مەبەستی کارکردن ڕووی لە پێنجوێن کردبوو، تائێستا نازانرێت خنکێنراوە یاخود خۆی خنکاندووە.

 

ڕووداوەکانی کوشتن و ناچار بە خۆکوشتنی ژنان تادێت ڕوو لە هەڵکشانە، تێکڕاوی تەمەنی کوژراوەکان لە ١٤-٣٥ ساڵ دەبێت و هۆکارەکانی دەستدرێژی سێکسی، توندوتیژی ئەلکترۆنی و کوشتن بە ناوی شەرەف، قەیران و باری خراپی ئابوری شەڕ کاریگەری ڕاستەوخۆیان لەسەر ڕووداوەکان هەیە.