ناوەندی هەواڵ

 

لە ئێران چالاکییەکانی ژنان دژ بە حیجابی زۆرەملێ لە بەرامبەر هەموو هەڕەشە و هێرشەکاندا بەردەوامە. چالاکوانێکی گەنج و ئازا بە ناوی ئاڤا جەهانگیری خەڵکی شاری ئەسفەهان بە قژە سوورەکەیەوە لەناو شاردا گوڵی بڵاوکردەوە و دژی حیجابی زۆرەملێ ناڕەزایەتی دەربڕی، دیمەنەشی لە تۆڕە کۆمەڵایەتییەکان دەنگدانەوەی بەرفراوانی لێکەوتەوە.

 

ئاڤا جەهانگیری، کە چالاکوانێکە و خاوەن پێداویستی تایبەتیشە، ئاشکرای کرد کە لەلایەن پۆلیسەوە تەلەفۆنی بۆکراوە و بانگهێشتی بنکەی پۆلیس کراوە بۆ ئەوەی لێدوان بدات.