ناوەندی هەواڵ

 

بەرەبەیانی ئەمڕۆ پاکتاوی سیاسی لە چوارچێوەی لێکۆڵینەوەکانی سەرۆکی داواکاری گشتیی ئەنقەرە، پۆلیسی ئەنقەرە، ئەستەنبوڵ، ئامەد، رەحا، ماردین و وان هەڵیانکوتایە سەر ماڵی پەیامنێرانی ئاژانسی ژن نیوز و ئاژانسی میزۆپۆتامیا و چەندین ڕۆژنامەنووسیان دەستگیرکرد/

 

پۆلیس لە ناوچەی کەچیۆرینا لە شاری ئەنقەرە هەڵیکوتایە سەر ماڵی زەمۆ ئاگۆز، پەیامنێری ئاژانسی میزۆپۆتامیا و دەستبەسەرکرا، ئەو پەیامنێرە خاوەندی منداڵێکی یەک مانگ و نیوییە و کاتژمێر ٦:٢٥ خولەکی بەرەبەیانی پۆلیس دەستبەسەریکرد و دەستیان بەسەر کۆمپیوتەر و تابلێت و مۆبایلەکەیدا گرت و منداڵە ساواکەیان بە برسێتی بەجێهێشت.

 

دوای پشكنینی ماڵەكە، زەمۆ ئاگۆز دەستبەسەرکرا و نازانرێت بۆ كام بنكەی پۆلیس بردراوە، لە کاتێکدا دەبێت زەمۆی دایک لانیکەم دوو کاتژمێر جارێک شیری خۆی بدات بە کۆرپەلەکەی، پارێزەرەکەشی لە پەیوەندیدایە.

 

سەرچاوە: ئاژانسی ژن نیوز