ناوەندی هەواڵ

 

لەگەڵ تەواوبوونی ژماردنەوەی دەنگەکانی هەڵبژاردنی پەرلەمانی فینلاند ڕۆژی یەکشەممە ٢ی نیسان، گەشاو بیبانی، ژنێکی کوردی لەدایکبووی شاری کەرکوکی باشووری کوردستان و کاندیدی پارتی چەپی فینلاند، توانی دەنگی پێویست لە بازنەی هەڵبژاردنی ئۆسیما بەدەستبهێنێت و بچێتە پەرلەمانی فینلاند، بازنەی ئۆسیما پێکدێت لە ناوچەکانی ئێسپۆ و فانتا و چەند شارێکی دەرەوەی هێلسنکی.

 

گێشاو بیبانی لە ساڵی ١٩٨٧ لە شاری کەرکوک لەدایکبووە و دەرچووی بواری گەشەپێدانی تەندروستییە. لە ساڵانی نەوەدەکانەوە لە فینلاند نیشتەجێیە و پێشتر بەشداری هەڵبژاردنی شارەوانییەکانی کردووە و ئەندامی لیژنەی پەروەردەی ئەو شارە بووە.