ناوەندی هەواڵ

 

لە ٦ی شوبات دوو بوومەلەرزەی بەهێز لە باکووری کوردستان و تورکیا کە ناوەندەکەی مەرەش بوو، ڕوویدا و بووە هۆی وێرانکاری گەورە لە ١٠ شاردا، بە هەزاران کەسیش گیانیان لەدەستدا و هەزارانیش زیانیان بەرکەوت و برینداربوون، دوای تێپەڕبوونی ٢ مانگ بەسەر کارەساتەکەدا هێشتا تەرم لەژێر داروپەردووی بینا ڕووخاوەکاندا ماون، بەوەش ژمارەی گیان لەدەستدان ڕۆژانە بەرز دەبێتەوە.

 

ڕاگەیەندراوە ژمارەی گیان لەدەستدان لە باکووری کوردستان و تورکیا، بۆ ٥٠ هەزار و ٣٩٩ کەس بەرز بووەتەوە، سولەیمان سۆیلۆ، وەزیری ناوخۆ ئاماژەی بەوەکرد، لێکۆڵینەوە لە ناسنامە بەردەوامە و ژمارەی گیان لەدەستدان نوێ دەکرێتەوە.