ناوەندی هەواڵ

 

ژمارەی ئەو کەسانەی لە بوومەلەرزەکەی ٦ی شوباتدا گیانیان لەدەستدا، لە بەرزبوونەوە دایە، بەشێکیان بەهۆی نەگەشتن بە ڕزگارکردنیان گیان لەدەستدەدەن و بەشێکیان بەهۆی سەرما و بێ خواردنییەوە ژیانیان لەدەستدەدەن، لە هاتای کە یەکێکە لەو شارانەی زۆرترین زیانی بوومەلەرزەکەی لێکەوتووەتەوە، تا ئێستاش هەزاران کەس لەژێر وێرانەدانم لە ڕۆژی هەشتەمی بوومەلەرزەکەدا هیچ تیمێکی گەڕان و فریاگوزاری لە گەڕەکی ئارموتلودا نییە.

 

"ئەمە ناوچەی عەلەوییەکانە"

ئەو هاوڵاتیانەی کە چەند ڕۆژێکە چاوەڕێی کەسوکاریان دەکەن لەژێر داروپەردوودا ڕزگاریان ببێت، ئاماژە بەوەدەکەن کە گەڕەکەکەیان وەلانراوە، قوربانییەکی بوومەلەرزەکە، کە ٦ کەسی خێزانەکەی لە ژێر داروپەردوودا ماونەتەوە، ڕایگەیاند، "ماوەی ٨ ڕۆژە لە بەردەم وێرانەکاندا چاوەڕێی ئەوەین کەسوکارمان بە زیندووی یان مردووی بهێنرێنە دەرەوە، با هەموو تورکیا و جیهان ئەم کارەساتە ببینن، من بانگتان دەکەم دەمەوێت بە زووترین کات ئەم تەرمانە دەربهێنرێن، نە شەومان ماوە و نە ڕۆژمان ماوە، بەسە، ئێمە جەستەی ئەوانمان دەوێتەوە، ئەمە ناوچەی عەلەوییە و گەڕەکی ئارموتلووە بۆیە بۆ چارەنووسی خۆی جێهێڵراوە".

 

"ئافاد نەهات"

هاوڵاتییەکی دیکە کاردانەوەی بەرامبەر بە میدیاکانی سەر بە دەسەڵات نیشاندا کە دەیانەوێت ڕووداوەکان بەلاڕێدا ببەن، وتی: خزمەکانم دەتوانن لە هۆڵەنداوە بێت ڕزگارمان بکات، بەڵام ئافاد نەهاتووە.