ناوەندی هەواڵ

 

پەیمانگەی پانتۆن، کە ئەمریکییە ساڵانە لە مانگی کانوونی یەکەم ڕەنگی ساڵی دواتر دیاریدەکات، بۆ ساڵی٢٠٢٣ ئاشکرایکردووە، ڕەنگی "١٨-١٧٥٠ Viva Magenta، کە ڕەنگێکی سووری تۆخە، دەبێتە ڕەنگی ٢٠٢٣.

 

ئەو ڕەنگە ئاماژەیە بۆ هێز بەمەبەستی دروستکردنی ژیانێکی ئەرێنی لە داهاتوودا، واتای بوێری، گەشبینی، خۆشی، چیرۆک و ژیانی نوێ پێشان دەدات، ئەو ڕەنگە ڕەگ و ڕیشەی لە سروشتدا هەیە و هاوسەنگی لەنێوان گەرم و سارد پیشاندەدات.

 

لۆری پرێسمان، جێگری سەرۆکی کۆمپانیای پانتۆن، ئاماژەی بەوەکردووە، کە ئەو ڕەنگە زیاتر هەستی دڵنیاکردنەوە و متمانەبەخۆبوون دەداتە بینەر، ئەوەش بۆ ساڵی داهاتوو کە پێشبینی نائارامی و ناسەقامگیری دەکرێت، ڕەنگێكی گونجاوە.

 

ساڵی ڕابردوو پەیمانگەکە ڕەنگی مۆری بۆ ساڵی ٢٠٢٢ دیاریکرد، ڕەنگی مۆر ئاماژەیەکە بۆ دەربڕینی بیرۆکە و هەست، هەروەها بەشداریکردن و پەیوەندیکردن، لە کاتی راگەیاندنی رەنگەکە کۆمپانیاکە ئاماژەی بەوە دابوو، ئەو ڕەنگە "تیشک دەخاتە سەر ئەو ئەگەرە فراوانانەی کە لەبەردەم مرۆڤدان".