ناوەندی هەواڵ

 

ناوەندی ڕاگەیاندنی هێزەکانی سووریای دیموکراتیک بەیاننامەیەکی نووسراوی بڵاوکردەوە و ژمارەی هێرشەکانی دەوڵەتی تورکیای بۆ سەر شارەکانی ناوچەکانی باکوور و ڕۆژهەڵاتی سووریا ئاشکرا کرد.

 

ئاماژەی بەوەکردووە، لە ٦ مانگی سەرەتای ساڵی ٢٠٢٤دا ٣٣٩ هێرش ئەنجامدراوە، هەروەها تیمە پزیشکییەکان و تیمەکانی بەرگری شارستانی و ڕۆژنامەنووسانیش لە هێرشەکاندا لەلایەن فڕۆکەی بێفڕۆکەوان و فڕۆکەی جەنگی و چەکی قورسەوە کراونەتە ئامانج.

 

 ئەوەش خراوەتەڕوو، ژێرخان و شوێنە ستراتیژییە مەدەنییەکان و کارگەکانیش زیانیان بەرکەوتووە، کێڵگەکانی گەنم و گەنمەشامیش کراونەتە ئامانج، ڕووباری جەخجەخ وێستگەکانی نەوت لە قامیشلۆ پیس بووە، دیاری کرا کە ناوچەکە بەهۆی بەئامانجکردنی وێستگەکانی کارەبا و ئاوەوە کێشەی کارەبا و ئاوی هەیە.

 

لە بەیاننامەکەدا ئاماژە بەوە کراوە، سۆرخوین ڕۆژهەڵات و ئازادی دێریک، کە لە شەڕی داعشدا برینداربوون، گیانیان لەدەستداوە.

 

لە بەیاننامەکەدا ئەم زانیاریانەی خوارەوە دراوە:

 ٣٣٩ هێرش بە فڕۆکەی جەنگی و بێفڕۆکەوان و چەکی قورس ئەنجامدراوە.

لە هێرشەکاندا یەک منداڵ و دوو ژن و کۆی گشتی ٥ هاوڵاتی مەدەنی گیانیان لەدەستداوە.

١٦ منداڵ و ٦ ژن و ٥٢ هاوڵاتی مەدەنی بریندار بوون.

٦ شەڕڤان گیانیان لەدەستدا.

 ٢٣ باڵەخانە کرانە ئامانج.

ناوچە کشتوکاڵییەکان ١٣ جار کرانە ئامانج.

٣٣ بینای ژێرخان کرانە ئامانج.