ناوەندی هەواڵ

لابردنی زۆربەی سنوردارکردنەکان لە مانگی کانوونی یەکەمی ٢٠٢٢ لە چین بووە هۆی زۆربوونی حاڵەتەکانی ڤایرۆسی کۆرۆنا لەو وڵاتە، بەڵام چین بڵاوکردنەوەی داتای کەیسەکانی ڕۆژانەی ڕاگرت و لە مانگی کانوونی یەکەمەوە تەنیا ٢٢ گیان لەدەستدانی کۆڤیدی ڕاگەیاند و پێوەرە توندەکانی خۆی بەکارهێنا.

 

میشێل ڕاین، بەڕێوبەری فریاکەوتنی "WHO" وتی: "چین کاریگەری راستەقینەی نەخۆشییەکە نیشان نادات لە ڕووی وەرگرتن لە نەخۆشخانە، لە ڕووی وەرگرتنی ئای سی یو، وە بە تایبەتی لە ڕووی مردنەوە، هەروەها پێشنیاری ئەوەی کرد کە کارمەندانی تەندرووستی تاک دەتوانن زانیاری و ئەزموونی خۆیان ڕاپۆڕت بکەن.

 

کۆمپانیای داتای زانستی بەریتانیا "ئەیرفینیتی" زیاتر لە دوو ملیۆن کەیسی کۆڤید لە ڕۆژێکدا لە چین دەخەمڵێنێت، هەروەها زیاتر لە ١٤ هەزار گیان لەدەستدان تۆمار دەکات.

 

یەکێتی ئەوروپا ڕێنوێنییەکی نوێی بە توندی بڵاوکردەوە و پێشنیاری ئەوەی کرد کە هەموو وڵاتانی ئەندام ئەو داواکارییە پێشکەش بکەن کە ئەو گەشتیارانەی لە چینەوە گەشت دەکەن، پێش ڕۆیشتنیان تاقیکردنەوەی کۆڤید-١٩ پێشکەش بکەن.