ناوەندی هەواڵ

 

بەپێی ماددەیەک لە پڕۆژە یاسایەکی نوێ کە پێشکەشی ئەنجومەنی وەزیرانی میسر کراوە، ئاماژە بەوەکراوە کە پێویستە ڕەزامەندی لەسەر گرێبەستی هاوسەرگیری بۆ کەسانی خوار ١٨ ساڵ نەدرێت و پەسەند نەکرێت، سزای بکەریش بە "بەندکردن بەلایەنی کەمەوە بۆ ساڵێک و غەرامەی بەلایەنی کەم ٥٠ هەزار جونییە بۆ بکەرانی هاوسەرگیری تەمەن بچوک" بدرێت.

 

ئەم پڕۆژەیاسایە کە چەند ماددەیەکی دیکەی پەیوەستە بە دەستدرێژی لێکراوان و دەستدرێژی سێکسی بۆسەر ژنان، لەلایەن ئەنجومەنی وەزیرانی میسرەوە پەسەندکرا و زیادکرا بۆ یاساکانی دیکەی ئەو وڵاتە، تا هۆکارەکانی توندوتیژی و هاوسەرگیری تەمەن بچوکی منداڵان کەمبکرێتەوە و ڕێگری لێبکرێت.