کرماشان

 

لە سەروبەندی ١ی گوڵان، ڕۆژی جیهانی کرێکاران و مانگرتن و ناڕەزایەتی بەربڵاوی کرێکاران لە شارە جیاجیاکانی ئێران دەستیپێکردووە، ڕژێمی ئیسلامی ئێران نەک هەر توانای باشترکردنی بارودۆخی کرێکاران و کارمەندەکانی نییە، بەڵکو زۆرێک لە خزمەتگوزارییەکان کە هەبوون، لە پێشکەشکردن وەستاون.

 

لە نوێترین نموونەدا خزمەتگوزاری هاتووچۆ و پشکی نانخواردنی نیوەڕۆی کارمەندان و ئەندامانی پزیشکی نەخۆشخانەکانی کرماشان لابراون و ئەم پرسە ناڕەزایەتی هێزی مرۆیی کاری بەدوادا هات، لە ڕوانگەی کارمەندانەوە، بڕینی ئەو خزمەتگوزارییانە بەڵگەی ئیفلاس و بێتوانایی حکومەتە لە چارەسەرکردنی کێشە ئابوورییەکان و باشکردنی ڕەوشی کرێکاران و فەرمانبەران.

 

کارمەندان و ئەندامانی پزیشکی نەخۆشخانەکانی کرماشان، لە کاتێکدا کە پێشبینیان دەکرد بە هۆی هەڵاوسان و گرانییەوە موچە و ئیمتیازەکانیان باشتر بێت، بەڵام سەرەڕای ناڕەزایەتی و مانگرتنی کرێکاران و فەرمانبەران لە سەرانسەری وڵاتدا، ڕووبەڕووی لابردنی ئەو خزمەتگوزارییانە دەبنەوە.