قامیشلۆ

 

بە پێشەنگایەتی کۆنگرەی ستار کۆڕبەندی شۆڕشی ژنانی باکوور و ڕۆژهەڵاتی سوریا لەلایەن کۆمیتەی ئامادەکار کە لە ٧ ڕێکخراوی ژنانی باکوور و ڕۆژهەڵاتی سوریا رێکخرابوو، لە دووەم رۆژدا بە دەستپێکردنی وۆرک شۆپێک بەردەوامە.

 

وۆرک شۆپەکە لەسەر چوار بابەت دەستی بە کارەکانی کرد، یەکەمیان بریتییە لە پێشەنگایەتی ژنان لە خودگۆڕان و گۆڕانكاری لە كۆمەڵگەدا، دووەمیان لەبارەی تێکۆشان لە بواری سیاسی و یاساییدا، بابەتی سێیەم تایبەتە بە پێداویستییەكانی پەرەپێدان و پاراستن و جێبەجێكردنی مافەكانی ژنان، هەروەها بابەتی چوارەم لەبارەی سیاسەتی پەروەردەکرا، برسێتی و لە دژی ئەوانە گەشەسەندنی ئابووری ژنەوە بوو، دوای گفتوگۆی چڕ لە نێوان ژناندا، ئەنجامنامەی وۆرک شۆپەکە خرایەڕوو، بەم شێوەیە بوو:

 

١/زیادكردنی شوێنی پەروەردەی ژنان و دابینكردنی کادرانی پەروەردەیی و مامۆستایان.

٢/جێبه‌جێكردنی یاساكانی په‌یوه‌ست به‌ مافی ژنان له‌ هه‌موو ناوچه‌كانی سوریا و باكوور و ڕۆژهه‌ڵاتی سوریا.

٣/گۆڕینی شێوازەکانی پەروەردەی ژنان بە چالاکترین شێواز و لە هەموو بوارەکاندا.

٤/گه‌شه‌پێدانی ئابووری ژنان و دابینكردنی كار بۆ هه‌موو ژنان.

٥/جیاکردنەوەی سیاسەت لە بابەتی ئایینی.

٦/په‌یوه‌ندی كردن له‌گه‌ڵ ڕێكخراوه‌ ده‌ره‌كییه‌كانی ژنانی په‌یوه‌ست به‌ دۆسیه‌ی ژنان له‌ خاكه‌ داگیركراوه‌كان كه‌ تووشی چه‌وساندنه‌وه‌ ده‌بن.

٧/به‌ڵگه‌ كردنی كرده‌وه‌ی داگیركه‌ران له‌و ناوچانه‌ی سوریا کە داگیرکراون و ناردنی بۆ لایه‌نه‌ په‌یوه‌ندیداره‌كان.

٨/لێکۆڵینەوه لەسەر دۆسییەکانی کوشتنی ژنان و پاراستنی مافەکانیان بە سزادانی بکوژران.

٩/کردنەوەی دۆسیەی ژنانی داعش و دۆزینەوەی چارەسەرێک بۆ دۆسیەی ئەو ژنانەی مەترسی بۆ سەر هەموو جیهان دروستدەکەن.

١٠/بەشداری ژنان لە سیاسەت و خستنەڕووی لە دەستووری سوریادا.

١١/هاوكاری و هاودەنگی ڕێكخراوەكانی دەرەكی و ناوخۆی ژنان سەبارەت بە هەموو پرسەكانی پەیوەست بە ژنان.

١٢/پاڵپشتی کردنی یه‌که‌کانی پاراستنی ژنان له‌ هه‌موو بواره‌ نێوده‌وڵه‌تییه‌کاندا.

١٣/ پێویستە وۆرک شۆپی کارکردن لە هەموو شوێنێک ئەنجامبدرێت بۆ ئەوەی ژنان زیاتر دەستیان بە یاسا و مافەکانیان بگات.

١٤/پەرەپێدانی شێوازی پێشکەوتوو بۆ پرۆژە ئابوورییەکانی ژنان.

 

دوای وۆركشۆپەكە، بەرنامەی كۆڕبەندی شۆڕشی ژنانی باكوور و ڕۆژهەڵاتی سوریا بە پانێڵی سێیەم، تایبەت بە "كاریگەرییەكانی شۆڕش لەسەر ڕێپێوانی تێکۆشانی ژنان" بەردەوام دەبێت.