لەگەڵ کردنەوەی دەرگای خوێندنگەکان خۆپیشاندان بەردەوامە
دوابەدوای دووبارە دەستپێکردنەوەی قوتابخانە و زانکۆکان لە سەرتاسەری ئێران، دایک و باوکی خوێندکاران لە شارە جیاوازەکان خۆپیشاندانیان ئەنجامدا.
ناوەندی هەواڵ
دوو ڕۆژ دوای دووبارە دەستپێکردنەوەی قوتابخانە و زانکۆکان لە ٥ی نیساندا خۆپیشاندانی جەماوەری زیادیکردووە و دایک و باوکی خوێندکاران لە شارە جیاوازەکان دەستیان بە خۆپیشاندان و گردبوونەوە کردووە و ئاماژەیان بە مەترسییەکانی کردنەوەی ناوەندەکانی خوێندن لەسەر تەندروستی کرد.
موحسین بەندپی، ئەندامی لیژنەی تەندروستی پەرلەمان باسی لەوەکرد کە کردنەوەی قوتابخانە و زانکۆکانی ئەم وڵاتە نەگونجاوە و دەکرێت بە شێوەیەکی ڕاستەقینە پەیڕەوی خوێندنی ئۆنلاین بکرێت لە قوتابخانە و زانکۆکاندا، هەروەها ڕەخنەی لە ڕەچاونەکردنی تەندروستی کۆمەڵگە گرت لە نورۆزدا و پێشبینی کرد کە لە داهاتوویەکی نزیکدا بارگرانییەکی قورس لەسەر سیستمی تەندروستی دروستببێت.
هاوکات گروپێک لە دایک و باوکی خوێندکارانی شاری شیراز، ڕشت، کازرون لەبەردەم بینای پەروەردەی شارەکانیان گردبوونەوە و دروشمی "تەندروستی منداڵان لەپێشینە"یەیان دەوتەوە و داوای کرد کە پۆلەکان نەکرێنەوە.
ت.پ