ناوەندی هەواڵ

 

بزووتنەوەی ناڕەزایەتی ژنانی ئەفغانستان ڕۆژی ٩ی نیسان لە شارەکانی کابول، تەهار، بامیان و بەداخشان بەیاننامەیەکی دا و داوای کرد کە نوێنەرایەتی نەتەوە یەکگرتووەکان بۆ هاوکاری لە ئەفغانستان (یونامی) نوسینگەکانی خۆی لەو وڵاتە دابخات، لە بەیاننامەکەدا ئاماژە بەوە کراوە کە نەتەوە یەکگرتووەکان لە بەرامبەر کارەکانی تاڵیبان وەک ڕفاندن و کۆچی زۆرەملێ و کۆمەڵکوژی و دەستگیرکردنی ئارەزوومەندانە بێدەنگە و ڕاگەیەندراوە کە کرێکاران مافی ژیانیان لە نەتەوە یەکگرتووەکاندا نییە.

 

وەڵامێک بۆ نەتەوە یەکگرتووەکان

لە بەیاننامەکەدا بەبیرهێنرایەوە، کە تاڵیبان لە مانگی کانوونی دووەمی ٢٠٢٢دا کاری ژنانی لە دامودەزگا مەدەنییەکان قەدەغە کرد، دیاری کرا کە پێویستە ڕێکخراوە مەدەنییەکان کارەکانیان لە دژی ئەم بڕیارە ڕابگرن، هەروەها بانگەوازێک کرا کە "ئەو کارانە ڕابگرن کە ژنان ناگرێتەوە"،  بەیاننامەکەدا داوا کراوە، نوسینگەکانی یونامی دابخرێن، چونکە هیچ کاریگەرییەکی چالاکیی ئەم نوسینگەیە لەسەر خەڵکی ئەفغانستان نییە.

 

لە درێژەی بەیاننامەکەدا هاتووە: بەپێچەوانەی چاوەڕوانی ئێمە، نەتەوە یەکگرتووەکان و دەزگاکانی هاوکاری نێودەوڵەتی، جارێکی دیکە، بە گەشبینییەوە پەیوەندییان بە تاڵیبانەوە کردووە و لەگەڵیان کاریان کردووە بۆ ئەوەی ژنان لە کەرتە سنووردارەکاندا بەردەوام بن لە کارکردن.

 

چی ڕوویدا؟

لە ٥ی نیساندا تاڵیبان کارکردنی ژنانی ئەفغانی لە نوسینگەکانی نەتەوە یەکگرتووەکان قەدەغە کرد، لە بەرامبەر ئەو بڕیارەدا، بەرپرسانی نەتەوە یەکگرتووەکان بۆ ماوەی ٤٨ کاتژمێر کارەکانیان ڕاگرت و لەگەڵ تاڵیبان کۆبوونەوە، دەسەڵاتدارانی یونامی کە هیچ لێدوانێکیان سەبارەت بە ئەنجامی کۆبوونەوەکە نەداوە، ڕایانگەیاند کە کارەکانیان تا ١٤ی ئایار ڕاگرتووە.