ناوەندی هەواڵ     

   

ئەمڕۆ پێنجشەممە ٢٦ی تشرینی دووەم، کۆمەڵەی نووسەرانی ئێران بە بۆنەی ١٧تشرینی دووەم ڕۆژی جیهانیی نووسەرانی زیندانیکراو، بە ئاماژەدان بە زیندانیکردنی ٢٩ نووسەر و وەرگێڕ لە زیندانەکانی ئێران، ڕایگەیاند کە لە سەرەتای ڕاپەڕینی شۆڕشگێڕانەی ئێرانەوە، ٢٣ نووسەر و وەرگێڕ دەستگیرکراون، هەندێکیان ئەو بە کەفالەت بە شێوەیەکی کاتی ئازاد کراوە و هەندێکیشیان هێشتا لە زینداندان.

 

کۆمەڵەی نووسەرانی ئێران هەروەها ئاماژەی بەوەدا کە ژمارەیەک لە نووسەران حوکمی زیندانیان بەسەردا سەپێنراون و ڕایانگەیاندووە کە ژمارەیەک نووسەر لە کاتی دەستبەسەرکردنیان تووشی ئەشکەنجەی توندبوونەتەوە.

 

ناوی ئەو نووسەرە گیراوانە لە سەرەتای ڕاپەڕینی سەرتاسەرییەوە کە تا ئێستا دەستبەسەرن بەم شێوەیەن:

١- موژگان کاوسی، وەرگێڕ و زیندانی سیاسی پێشوو پاش ٣٥ ڕۆژ زیندانی تاکەکەسی لە ناوەندێکی دەستبەسەرکردنی شاری نۆشار دەستبەسەر کرابوو، ڕۆژی ٥ی ئەم مانگە بۆ زیندانی تانکابۆن ڕاگوێزرا.

٢- عاتیفه چوارمحەلیان شاعیر و ئەندامی کۆمەڵەی نووسەرانی ئێران، که له ٢١ تشرینی یەکەم دەستبەسەرکرا و بۆ بەندی ٢٠٩ زیندانی ئەڤین گواسترایەوە، بەم دواییە بۆ بەشی گشتی گواسترایەوە.

٣- موحسین زەهتابی، نووسەرێک کە لە شیراز دەستبەسەرە و گواسترایەوە بۆ زیندانی عادل ئاباد لە شیراز و تا ئێستاش لە زینداندایە.

٤- مەحمود تەرەواتۆری شاعیر و پارێزەر، لە ١٠ی ئەم مانگە لەکاتی بەدواداچوون بۆ دۆخی دەستگیرکراوەکان لە دادگای شیراز دەستگیرکرا.

٥- ئەمیرحوسێن بریمانی، نووسەر و ڕۆژنامەنووس، کە لە تاران دەستبەسەرکرا و بۆ زیندانی فەشەفووه گواسترایەوە، بە بێ ئامادەبوونی پارێزەر بە ٥ ساڵ زیندانی سزای بەسەردا سەپێندرا.

٦-نوسیبە نامی، شاعیرێک کە لە گەچساران دەستبەسەرکرا و بۆ شوێنێکی نادیار گواسترایەوە، لە کاتی دەستبەسەرکردندا ئەشکەنجەدرا و بە بارودۆخێکی جەستەیی سەختەوە بۆ زیندانی یاسوج گواسترایەوە.

٧- سەعید حەلیچی، شاعیر، نووسەر و وەرگێڕ، کە لە ئەهواز دەستبەسەر کراوە، لە زیندانی سێپیدار زیندانی کراوە.

٨- مەندەنا سادقی شاعیر و ڕۆژنامەنووس لە ئابادان دەستبەسەر کرا.

٩- ڕەزا محەممەدی شاعیر و نووسەر لە لە ئابادان دەستبەسەر کرا.

١٠- عەلیرەزا ئیزادی نووسەر و دەرهێنەری شانۆ لە تاران دەستبەسەر کرا.

١١- بێهناز ئامانی، نووسەر و وەرگێڕ، لە تاران دەستبەسەرکرا و بۆ زیندانی قەرچاک گواسترایەوە.

١٢- بەنەفشێ کەمالی، شاعیر لە شاری یەزد دەستبەسەر کرا.

١٣- یوسف گرامیپوور، شاعیر و چالاکوابی کرێکاران، ڕۆژی ٦ ی ئەم مانگە دەستبەسەر کرا.

١٤- ئەرغوان وەتوق ئەنساری شاعیر دەستبەسەرکرا.

١٥- ئەمیر حسێن عەتاش، شاعیر و خوێندکاری زانکۆی خەیامی مەشهەد، دەستگیرکرا.

١٦- ئاراش ڕەمەزانی، نووسەر، لە شاری مەشهەد دەستگیرکرا.

 

دوای کوشتنی jینا ئەمینی، ژمارەیەکی زۆر لە نووسەران دوای دەستگیرکردن و لێپرسینەوەیان بە کەفالەت ئازادکران, سەید نەوید سەید عەلی ئەکبەر، نووسەر و وەرگێڕ، کەرەموڵڵا سولەیمانی، نووسەر، شانۆنامەنووس و دەرهێنەری شانۆ، مەنسوور موسەوی، نووسەر و لێکۆڵەری توێژینەوەی ژنان، شیلان کوردستانی، وەرگێڕ، بەیان عەزیزی، شاعیر و لێکۆڵەری مافی مرۆڤ، مۆنا بەرزوی، شاعیر و گۆرانیبێژ، بێهرووز یاسمی شاعیر و ڕەخنەگری ئەدەبی یەکێکە لەو نووسەرانە.

 

کۆمەڵەی نووسەرانی ئێرانیش ناوی ژمارەیەک نووسەری بڵاوکردەوە کە پێش کوشتنی ژینا ئەمینی لە زیندان بوون، بەم شێوەیە:

 

١- مەهۆش ثابیت شاعیر و مامۆستا، لە مانگی ئابی ئەمساڵ دەستبەسەرکراوە و بۆ بەندی ٢٠٩ی زیندانی ئەڤین گواسترایەوە، پێشتر لە ساڵی ٢٠٠٦ تا ٢٠١٦ لە زیندان بووە.

٢- ڕەزا خەندان مەهابادی، نووسەر و لێکۆڵەر و ئەندامی کۆمەڵەی نووسەرانی ئێران، لە ساڵی ٢٠١٩ بۆ زیندانی ئەڤین و پاشان بۆ زیندانی ڕەجعیشار بۆ تێپەڕاندنی حوکمی ٥ ساڵ زیندانی گواسترایەوە.

٣- ئاراش گەنجی، وەرگێڕ و ئەندامی کۆمەڵەی نووسەرانی ئێران، لە مانگی ساڵی ٢٠٢١ بۆ زیندانی ئەڤین و لە مانگی ئەیلولی ئەمساڵدا بۆ زیندانی ڕەجعیشار گواسترایەوە، سزای ١١ ساڵ زیندانی بەسەردا سەپێندرا، لەو ژمارەیەش ٦ساڵ زیندانیکردن جێبەجێ دەکرێت.

٤- کەیوان موهتەدی، نووسەر، وەرگێڕ و ئەندامی کۆمەڵەی نووسەرانی ئێران، بۆ بەندی ٢٠٩ی زیندانی ئەڤین ڕاگوێزرا.

٥- سەعید مەدانی نووسەر و توێژەر لە مانگی ئایاری ساڵی ٢٠٢٢ دەستبەسەرکرا و بۆ زیندانی ئەڤین گواسترایەوە.

٦- خوسرەو سادقی بۆروجانی، نوسەر و ڕۆژنامەنووس، لە مانگی ئابی ساڵی ٢٠١٩ ەوە ماوەی پێنج ساڵ زیندانی لە ئەڤین بەسەر دەبات.