ناوەندی هەواڵ

 

بۆردومان و هێرشەکانی دەوڵەتی تورکیا بۆ سەر ناوچەکانی هەرێمی کوردستان بەردەوامە، لە ئەنجامدا چەندین بریندار و قوربانی لێکەوتەوە.

 

ئەمڕۆ فڕۆکە بێ فڕۆکەوانەکانی دەوڵەتی تورکیا بەردەوام بوون لە بۆردومانکردنی ماڵ و حاڵی هاوڵاتیان و سێ جار گوندی ساڵیاوای سەربەقەزای پێنجوێنیان بۆردومان کرد، لە ناوچەکانی مێرگەمیر لە سنووری برادۆست ماڵی هاوڵاتییەکیان بۆردومان کرد و بەوهۆیەوە چوار کەس گیانیان لەدەستدا، هەروەها فڕۆکەی بێفڕۆکەوانی دوڵەتی تورکیا ئۆتۆمبێلێکی لەسەر ڕێگای سنینێ لە قەزای سیدەکانی پارێزگای هەولێر بۆردومان کرد.

 

ئەمڕۆ هاکان فیدان، وەزیری دەرەوە و ئاڵپئارسڵان بایراکتار، وەزیری وزەی تورکیا گەیشتنە هەرێمی کوردستان، ئەمەش هاوکات بوو لەگەڵ بۆردومانی فڕۆکە بێفڕۆکەوانەکانی دەوڵەتی تورکیا  کە سێ ناوچەیان لە هەرێمی کوردستان بۆمباران کرد و  چوار هاوڵاتی گیانیان لە دەستدا.

 

ئەمڕۆ دەسەڵاتدارانی کورد لە هەولێر پێشوازییان کرد لە هاکان فیدان، وەزیری دەرەوەی تورکیای ئێستا و سەرۆکی دەزگای میتی جاران و ئاڵپئارسڵان بایراکتار وەزیری وزەی تورکیا، گەیشتنی ئەم دوو وەزیرە بۆ هەرێمی کوردستان هاوکات بوو لەگەڵ بەردەوامی بۆردومانی فڕۆکە بێ فڕۆکەوانەکانی دەوڵەتی تورکیا.