کەرتی تەندروستی بەهۆی بایکۆتەوە دەوەستێت
کارمەندانى تەندروستى لە پارێزگاى سلێمانى، هەڵەبجە، ئیدارەى گەرمیان و شارۆچکەى شارەزوور بەهۆی پێنەدانی مووچەکانیانەوە بایکۆتی دەوامیان کرد.
ناوەندی هەواڵ
کارمەندانى تەندروستى لە پارێزگاى سلێمانى، هەڵەبجە، ئیدارەى گەرمیان و شارۆچکەى شارەزوور ئەمڕۆ دەستیان بە بایکۆتى دەوام کرد و وەک خۆیان دەڵێن: تاوەکو مووچەکانمان وەرنەگرین ئەوا بەردەوام دەبین لە بایکۆتکردنى دەوام.
ئەم بایکۆتە لە کاتێکدایە، ماوەی دوو مانگە مووچەی فەرمانبەران دابەشنەکراوە و تا ئێستاش لیستی مووچە بڵاونەکراوە، هەروەها لە ماوەی چەند ڕۆژی ڕابردوودا بەشێک لە فەرمانگەکانی گەرمیان و سلێمانی بایکۆتی دەوامیان ڕاگەیاندبوو.