قامیشلۆ

 

چوارەمین کۆنفرانسی یەکێتی ڕاگەیاندنی ژنان "یەرەژە" ئامانجی هەڵسەنگاندنی ئەزموونی ڕاگەیاندنی ژنان و پێداچوونەوە بە پەیڕەوی ناوخۆی سەندیکاکە و داڕشتنی پلانێکی ستراتیژییە بۆ هاوسەنگ بوون لەگەڵ پێشهاتە ڕاگەیاندنی و سیاسییەکانی ناوچەکە، دوای دواخستنی چوار ساڵ، ئەمڕۆ ٨ی تشرینی دووەم دەستیپێکرد، لە سەردەمێکدا کە ڕاگەیاندنی ژنان ڕووبەڕووی چەندین ئاڵەنگاری دەبێتەوە، کۆنفرانسەکە دەرفەتێکی بەرچاوە بۆ پێداچوونەوە و پلاندانان بۆ داهاتووی ڕاگەیاندنی ژنان لە ناوچەکەدا دەخاتە ڕوو.

 

کۆنفرانسەکە شایەتحاڵی بەشدارییەکی بەرفراوان و فرەچەشنی ژنانی ڕۆژنامەنووسان و چالاکوانانە، کە زیاتر لە ١٥٠ نوێنەری ناوچە جیاوازەکانی باکوور و ڕۆژهەڵاتی سووریا بەشداری دەکەن، هەروەها نوێنەرایەتی سپێکتریمی بەرفراوانی دەزگاکانی ڕاگەیاندنی ژنان و ناوەندەکانی کۆمەڵگەی مەدەنی و ڕۆژنامەنوسانی سەربەخۆ و چالاکوانانی مافی ژنان دەکەن، ئەم بەشدارییە ڕەنگدانەوەی ئەو فراوانبوونەیە کە سەندیکاکە لە سەرەتای دامەزراندنیەوە بەدەستی هێناوە، ئێستا زیاتر لە ٥٠٠ ژنی ڕۆژنامەنووس و پیشەگەری ڕاگەیاندن لەخۆدەگرێت، کە ئەمەش ڕۆڵی گەشەسەندنی ئەو لە پشتیوانیکردن لە پرسەکانی ژنان و بەرزکردنەوەی بوونی ژنان لە دیمەنی ڕاگەیاندندا لە چوارچێوەی ژینگەیەکی فرەچەشندا نیشان دەدات.

 

لە کۆنفرانسەکەدا چەندین وتار لەلایەن ئارین سوید، وتەبێژی یەکێتی ڕاگەیاندنی ژنان "یەرەژە" و وتارێک لەلایەن ئیلهام ئەحمەد، هاوسەرۆکی بەشی پەیوەندییەکانی دەرەوە لە خۆبەڕێوبەری و کۆنگرەی ستار لەخۆدەگرێت،  دواتر باس لە ئامانجە سەرەکییەکانی کۆنفرانسەکە دەکرێت، لەگەڵ پێشکەشکردنی ئەو پلانەی کە لە میانی کۆنفرانسەکەدا گفتوگۆی لەسەر دەکرێت و جێبەجێ دەکرێت، لەوانە هەڵسەنگاندنێک بۆ دۆخی ڕاگەیاندنی ژنان لە ماوەی چوار ساڵی ڕابردوودا و داڕشتنی پلانێکی ستراتیژی بۆ هاوسەنگ بوون لەگەڵ پێشهاتەی ڕاگەیاندن و سیاسییەکانی ناوچەکە.

 

کۆنفرانسی چوارەم گرنگییەکی ناوازەی هەیە بەو پێیەی دوای دواخستنی چوار ساڵ دێت بەهۆی بارودۆخی ئاسایشی و سیاسی ناوچەکە، هەروەها ئەم ماوەیە پڕ بوو لە ئاڵەنگاری کە کاریگەرییان لەسەر توانای ڕێکخراوەیی یەکێتی هەبوو، ئەمەش وایکرد ئەم کۆنفرانسە ببێتە ساتێکی گرنگ بۆ هەڵسەنگاندنەوە و پێویستیدان بە دەستپێشخەرییەکانی داهاتوو لە دوای سێیەم کۆنفرانسی ساڵی ٢٠٢٠ەوە، لە کۆنفرانسەکەدا شایەتحاڵی ڕاگەیاندنی دامەزراندنی یەکێتی بوو وەک چوارچێوەیەکی گشتگیر بۆ دەزگاکانی ڕاگەیاندنی ژنان لە ناوچەی باکوور و ڕۆژهەڵاتی سووریا، کە ناوچەکە بەر گۆڕانکاری سیاسی و ئاسایشی کەوت، لەگەڵیدا کاریگەرییەکی گەورەی لەسەر ڕەوتی کاری ڕاگەیاندن هەبوو، هەر بۆیە کۆنفرانسەکە سەکۆیەکی گرنگی پێکهێنا بۆ هەڵسەنگاندنی ئەو کارە ڕآگەیاندنیانەی کە لەم ماوەیەدا بە ئەنجام گەیشتن، هەروەها پلاندانان بۆ چۆنیەتی بەرزکردنەوەی بەردەوامیی کاری ڕاگەیاندنی ژنان لە داهاتوودا.

 

لیژنەکانی ئامادەکاری و پێداچوونەوەی هەمەلایەنە

بە سەرپەرشتی لیژنە تایبەتمەندەکانی ئامادەکاری، ڕاپۆرتێکی ورد ئامادەکرا کە گەشتی یەکێتی ڕاگەیاندنی ژنان "یەرەژە"  لە ساڵانی ڕابردوودا بەڵگەدار کردبوو، ئەم ڕاپۆرتە چالاکییە سەرەکییەکانی ڕاگەیاندن، بەرنامەکانی خولی پەروەردەی، وۆرکشۆپ و ڕووماڵکردن لەخۆدەگرێت کە لەلایەن ڕێکخراوەکانی ژنانەوە لە بوارە جیاوازەکاندا جێبەجێ دەکرێن،  بڕیارە کۆنفرانسەکە پێداچوونەوەی گشتگیر لە پەیڕەوی ناوخۆی یەکێتی لەخۆ بگرێت، بە ئامانجی هاوتەریبکردنیان لەگەڵ ئاڵەنگاریەکانی ئێستا و بەرزکردنەوەی کاریگەرییەکانیان لە پشتیوانیکردن و پەرەپێدانی ڕاگەیاندنی ژنان.