ناوەندی هەواڵ

 

ئازادی ڕۆژنامەگەری لە تورکیا ڕووبەڕووی ئاڵەنگاری زیاتر دەبێتەوە، ڕۆژنامەنووسان لە کاتی ڕاپەڕاندنی ئەرکە پیشەییەکانیاندا چەندین جار دەستبەسەر دەکرێن، ئەمەش نیگەرانییەکی بەرفراوانی لە بازنەکانی مافی مرۆڤ و ڕاگەیاندندا دروستکردووە.

 

دادگاییکردنی دەریا رەن، پەیامنێری ئاژانس یژن نیوز بەردەوامە، دەریا رەن بۆ بەدواداچوون بە ئەو هەواڵە گەشتێکی کردبوو بۆ ناوچەی بەلقیسی نەزیپ لە  دیلۆک، لەلایەن پۆلیسەوە بە تۆمەتی "پشێوی" دەستگیرکراوە، بە تۆمەتی "سوکایەتیکردن" ڕەوانەی دەسەڵاتی دادوەری کردووە، لە دانیشتنی دووەمدا کە لە دادگای تاوانەکانی پێنجەمی نەزیپ بەڕێوەچوو، پارێزەرانی دەریا رەن ئامادەبوون بۆ بەرگریکردن لێی، نوێنەرانی کۆمەڵەی ڕۆژنامەنووسانی فورات و دیجلە "DFG" و کۆمەڵەی ڕاگەیاندن و لێکۆڵینەوەی یاسایی "MLSA" بەشداری دادگاییکردنەکە بوون.

 

لە دانیشتنی کۆتاییدا داواکاری گشتی دووپاتی لە قسەکانی خولی پێشووی خۆی کردەوەو داوای کرد دەریا رەن بە "سووکایەتیکردن بە بەرپرسێکی گشتی بە ئاشکرا" سزا بدرێت، بەڵام دوای بیستنی قسەکانی بەرگری، دادوەرەکان بێتاوانیان دەرکرد، ڕوونیانکردەوە کە توخمە یاساییەکانی ئەو تاوانەی کە بۆی دەگەڕێتەوە جێبەجێ نەکراون.

 

دەریا رەن، ڕۆژنامەنووس ڕۆژی ٧ی کانوونی دووەم بۆ ڕوماڵکردنی ڕووداوی کوشتنی ژنێک گەشتێکی بۆ شاری نەزیپ کردبوو، لەکاتی چاوەڕوانی گواستنەوەدا، لەلایەن پۆلیسەوە بە گومانی "هەڵسوکەوتی گوماناوی" ڕاگیرا، دەوترێت دواتر ئەو ژنە بە تۆمەتی "بەرەنگاربوونەوەی پۆلیس" دەستبەسەر کراوە، دوای ئەوەی ناڕەزایی دەربڕی بەرامبەر بە سووکایەتیکردن بە ئەندامانی خێزانەکەی لەلایەن کارمەندانی ئاسایشیەوە، کە بانگەوازیان کردووە براکەی دادگایی دەکرێت، دوای تەواوکردنی لێکۆڵینەوەکە، ئازادکرا.