ناوەندی هەواڵ

 

لە شارەکانی وان، ئەرز ڕوم، موش، ئاگری و قەرس لەهەرێمی سەرحەد بەهۆی بارانبارینەوە لافاو دروست بوو، بەگوێرەی ڕاگەیەندراوی وەزارەتی تەندروستی، بەهۆی لافاوەکەی موش، ئەرز ڕوم، ئاگری، ئۆردو و سامسون، تیمی فریاگوزاری و  ٢٢ ئۆتۆمبێلی فریاکەوتن لە ئاگاداریدان.

 

بەهۆی باران بارین زۆرێک لە گوندەکانی هەرێمی سەرحەد ژێرئاوکەوتوون، هەروەها زیان بە ماڵ و موڵکی هاووڵاتییان کەوتووە،

 

لە گوندی باخچە لە میلازگاری موش، نازار قەرەتاش، گەنجێکەو لەگەڵ دایکی کەوتنە ناو لافاوەکە، نازار گیانی لەدەستداو دایکی ڕزگار کرا.

 

بەڕێوەبەرایەتی گشتی کەشناسی ڕاگەیەندراوێکی بڵاوکردەوە و داوای خۆپاراستنی لە هاوڵاتیان کرد لەو لافاوەی لە ئاگری، چەولیگ، ئەرزنجان، ئەرز ڕۆم، قەرس، وان، موش، ئەردەخان، گیرەسون، ئۆردو، سامسون، ترابزۆن و بایبورت ڕوویدا.