ناوەندی هەواڵ

 

ئێران کە شایەتحاڵی ناڕەزایەتی و سەرکوتی خوێناوییە، هونەر سنووری شاشە و شانۆی تێپەڕاندووە، هاوپشتی تەنها لە شەقامەکاندا قەتیس نەبووە، بەڵکو کۆمەڵگەی هونەری گرتۆتەوە، کە ژمارەیەک ئەکتەر و دەرهێنەر کشانەوەی خۆیان لە فێستیڤاڵە فەرمییەکان یان ڕەتکردنەوەی بەشداریکردنیان لە پرۆژە نوێیەکان ڕاگەیاندووە.

 

ئیلناز شاکردوست، ئەکتەر براوەی خەڵاتی سیمرغ کریستاڵ لە فێستیڤاڵی فیلمی ”فجر”، بە فەرمی کشانەوەی خۆی لە سینەمای ڕۆژهەڵاتی کوردستان و ئێران ڕاگەیاند، ئەمەش لە کاردانەوە بە سەرکوتی خوێناوی و کوشتنی خۆپیشاندەران لە ڕۆژهەڵاتی کوردستان و ئێران، وتی: چیتر هیچ ڕۆڵێک لەم خاکەدا ئەنجام نادەم کە بۆنی خوێنی لێدێت، ئەمە ڕۆڵی بنەڕەتی ئەوە.

 

لە نامەکەیدا هاتووە: ئەم بوونە هەزار جار لە مردن سەختترە، خەمۆکیم گەیشتووەتە ئاستێکی قووڵ کە جیاوازیی نێوان ڕاستی و کابوسم لەدەست داوە، ڕۆحم توانای بەرگەگرتنی ئەم کارەساتە مێژووییە ترسناک و تاوانکارییەی نییە، ئەکتەرێکم کە فێربووم ژیانێکی دیکە بە هەموو بوونمەوە بژیم، بەڵام ئەمجارە لەبری چل هەزار هاوڵاتی خۆم کوژرام، لەبری ئەوەی ئازیزانیان یەک بە یەک بکوژن و لەبری ئەوەی ئەندامانی خێزانەکەیان بکوژن، پارچە پارچەیان کردوون، ئیتر نامەوێت مرۆڤیش بم، نەخۆش کەووتم.

 

ئاماژەی بە فێستیڤاڵی فیلمی ”فجر” و پەیوەندییەکی تەلەفۆنی کرد، کە لە بردنەوەی خەڵاتی سیمرغ ئاگاداری کردۆتەوە و وتی: من دەگریم، ماتەمینی ئازیزانم دەگێڕم، چ فێستیڤاڵێک؟ چ ئاهەنگێک؟ بەشداری هیچ ئاهەنگێک ناکەم، هیچ ڕۆڵێک لەم خاکەدا نابینم کە جارێکی دیکە بۆنی خوێنی لێدێت، ئەمە ڕۆڵی سەرەکی منە.

 

فێستیڤاڵی فیلمی ”فجر” کە لەلایەن دەوڵەتی ئێرانەوە بەڕێوەدەبرێت، لە کاتێکدا بەڕێوەدەچێت کە لە چەند ڕۆژانی ڕابردوو زۆرێک لە سینەماکارانی فێستیڤاڵەکەیان بایکۆتیان کردووە، ئەمەش دوای سەرکوتکردنی ناڕەزایەتییە خوێناوییەکان، لە نێو ئەو فیلمانەی کە بۆ فێستیڤاڵی فیلمی ”فجر” ڕاگەیەندرا، فیلمی “أرامباخش” بوو، جەواد گەنجی، سینەماکارێک کە لە ناڕەزایەتییەکانی ئەم دواییەدا کوژرا، یەکەم یاریدەدەری دەرهێنەر بوو.