سلێمانی_ پێشنیوەڕۆی ئەمڕۆ، لە هۆڵی کۆنفرانسی زانکۆی سلێمانی، لە شاری سلێمانی، لە لایەن ڕێکخراوی چەمک بۆ چاکسای و بونیادنان، لە ساڵڕۆژی بۆردومانکردنی زانکۆی سلێمانی لە قەڵادزێ، بۆ دەرخستنی هێرشەکان و بۆردومنەکان کاریگەری لەسەر ژینگە دروست دەکات، بە ئاماددە بوونی مامۆستایان و خوێدکرنی زانکۆ، بە ناونیشانی کۆمەڵگە پێویستە دوبارە پەیوەندی لەگەڵ سروشت دروست بکات، سەرەتا دەقەیەک وەستان بۆ گیانی پاکی شەهیدان، پاشان هەریەک لە پانێڵیستان " هەڵوێست کەریم، فێمێنیستی ژینگەی، بڕوانامەی ماستەر لە ئابووری خوێندکاری دکتۆرا لە بواری ئابووری و ژینگە، یەریڤان شاسوار، توێژەری بواری ژینگە و لێپرسراوی پەیوەندیەکانی ڕێکخراوی کورد_ماد، شنە شەریف عەبدوڵا، مرۆڤناسی مامۆستا و توێژەر لە دەستەی کوردستانی بۆ دیراساتی ستراتیجی و توێژینەوەی زانستی" ، ئەنجادرا، هەروەها لە نێوان میوان و پانێڵیستاندن چەندین بیروڕای ژینگەی و هۆکرەکانی ئاڵوگۆڕکرا، پاشان لە زنکۆی سلێمانی بە ناشتنی چەندین نەمام بۆ سەوزکردنی شار کۆتایی بە چالاکییەکە دەهێنن.

 

هەڵوێست کەریم، فێمێنیستی ژینگەی، بڕوانامەی ماستەر لە ئابووری خوێندکاری دکتۆرا لە بواری ئابووری و ژینگە، باسی لە گرنگی ئیکۆلۆژی کرد کە زانستێکی لێکۆڵینەوەیە لە کۆی ژینگە ، هەروەها باسی لە سیستەمی پیاو سالاری و سیستەمی سەرمایەداری پەیوەست بە ژن و ژینگەی کرد و وتی،  زۆر گرنگە لە سیستەمی سەرمایەداری تێبگەین و ڕووبەڕووی ببینەوە، زۆر گرنگە جارێکی تر پەیوەندیمان لەگەڵ سرو شت بنیاد بنێینەوە.

 

پاشان یەریڤان شاسوار توێژەری بواری ژینگەو لێپرسراوی پەیوەندیەکانی ڕێکخراوی کورد -ماد ، باسی لە ئاڵانگاریەکانی ژینگە و دەرچون لەو قەیرانە چەقبستوەی ڕووبەڕووی ژینگە بۆتەوە کرد ،وەک لەناوچونی ژینگەی سروشتی، کەمبونەوە و پیسکردنی سەرچاوە ئاویەکان، زیادەڕەویکردن لەبەکارهێنانی سامانەسروشتیەکان، سەرهەڵدان و زۆربوونی کۆچی ژینگەیی، کاریگەری وێرانکردنی ژینگە لەسەر ژنان، هەروەها وتیشی ڕێژەی لە ناوچونی دارستانەکان بە پێی ڕاپۆرتێکی وەزارەتی کشتوکاڵی عێراق، لە ماوەی ٥٠ ساڵی ڕابردوودا لە ٥٠٪دارستانە دەستکردەکان و لە٣٠٪ دارستانە سروشتیەکانی لەدەستداوە ، وە لە ساڵی ٢٠١٥- ٢٠٢٤ نزیکەی ٢٩٠٠٠٠ هیکتار دارستان زیانی بەرکەوتووە، هاوکات بە پێی ڕاپۆرتێکی IOM و NUHCR لەساڵی ٢٠١٨-٢٠٢٤دا زیاتر لە ٢٣٣٦٤خێزان بەهۆی بارودۆخی ژینگەیەوە کۆچیان کردوە.

 شەریف عەبدوڵا، مرۆڤناسی مامۆستا و توێژەر لە دەستەی کوردستانی بۆ دیراساتی ستراتیجی و توێژینەوەی زانستی، وتی: کێشەی ژینگە کێشەیەکی جیهانی و نێودەڵەتیە، نەک تەنیا لە کوردستان بۆیە دەبێت کاری لەسەربکەین بۆ هۆشیارکردنەوەی نەوەکانمان، هەروەها باسی لەوەکرد سیستەمی سەرمایەداری چۆن مرۆڤ لە سروشت جیادەکاتەوە، کە لە بنەڕەتدا مرۆڤ بەشێکە لە سروشت و ژیان کردنمان لەناوسروشدایە.

 

هەروەها وتیشی هەموان بەیەکەوە دەتوانین هاوکاربین بۆ چارەسەرکردنی پرسی ژینگە ، سیستەمی سەرمایەداری بۆتە هۆی وێرانکاری و بەرپرسە لە دروسبونی زانست کە دەسەڵاتداران لەبەرژەوەندی خۆیان ڕێکیان خستوە و سیستەمی پەلاماردان و وێرانکاریە و دەست بەسەر هزری زۆرینەمانداگیراوە لە لایەن سیستەمی سەرمایەداری و دەسەڵاتداریەوە.

 

" هێرشەکانی دەوڵەتانی دراوسێ تەنها هاوڵاتیان شەهید ناکەن، ژینگەی کوردستانیش بەرەو لەناوبردن دەبات "

یەریڤان شاسوار، توێژەرری بواری ژینگە و لێپرسراوی  پەیوەندیەکانی ڕێکخراوی کورد_ماد،  باس لەوەدەکات:   لە ڕۆژی بۆردومانکردنی زانکۆی سلێمانی لە قەڵادزێ و شەهیدکردنی زۆرێک لە خوێندکاران و هاوڵاتیانی لێکەوتەوە، دەڵێت: لە ساڵڕۆژی تۆبارانکردنی زانکۆی قەڵادزێدا دەمانەوێت ڕونکردنەوە لەسەر چۆنیەتی پیسبوونی ژینگە بکەین،هێرشەکانی دەوڵەتان تەنها شەهیدی لێ ناکەوێتەوە بەڵکو ژینگەش وێران دەکەن، تۆپبارانەکان بەردەوام ژینگەی ناوچەکە بەرەو وێرانبوون دەبەن، نەمامەکان دەسوتێنن و شاخەکان بەرەو لەناوبردن دەبەن، کاریگەریە زیان بەخشەکانی بۆ ماوەی سەدانساڵ دەمێننەوە، هەروەها  ڕۆژی فرەی دبلۆماسی فرەیە، پێویستە کارکردن لەسەر ژینگە لە جیهاندا پەرەی پێبدرێت، ژینگە وەک پرسی تیرۆر و جینۆساید تەماشا بکرێت.

 

لە کۆتاییدا وتیشی: لە چوارچێوەی ئابووری و ژینگە و کاریگەری سیستمی سەرمایەداری بۆسەر ژینگە باس دەکرێت، کار لەسەر قورسکردنی کارکردن بۆ پاراستنی ژینگە، ئەنجمدانی گفتوگۆ لەگەڵ هاوڵاتیاندا ، پاشان هاندانی هاوڵاتیان بۆ سەوزکردنی شارەکانی کوردستان.