ناوەندی هەواڵ

 

کۆردیۆناسینۆی ڕاگەیاندنی ژنان "راژن" بە بۆنەی ٧ی تشرینی یەکەم، ساڵڕۆژی ڕۆژی ڕۆژنامەگەریی ژنانی کورد، بەناونیشانی "ئێمە شوێنپێی غوربەتلی ئەرسۆز دەڕۆین، کە قسەی لەگەڵ ڕاستییەکان یەکخست و پەردەی تاریکی هەڵگرت" ڕاگەیەندراوێکی بڵاوکردەوە.

 

"ژنان ناوی خۆیان بە پیتی زێڕین نووسیوە"

ڕاژن لە راگەیەندراوەکەدا وتی: لە مێژوودا زۆرێک لە ژنان بەشدارییەکی گەورەیان لە مرۆڤایەتیدا کردووە، بەڵام ناوەکانیان لەبیرنەکراوە. بەڵام هەرچەندە ناوی ئەو ژنانە نازانرێت، بەڵام مێژووی مرۆڤایەتی لەلایەن ئەو ژنانەی کە لە پێناو ئازادیدا خەباتیان کردووە، بونیاد نراوە، هەندێک لە ژنان ئەم سیستەمەیان ڕەتکردەوە و ناوی خۆیان بە پیتی زێڕین نووسیوە لە مێژوودا دژی ئەو سیستەمە، غوربەتلی ئەرسۆز یەکێکە لەوانە لە تورکیا و کوردستان، بەڵام لە بەرامبەر نکۆڵیکردن و پشتگوێخستنی بوونی گەلەکەیدا وەستاوە، ئەکادیمیست، زانا، ڕۆژنامەنووس، یەکەم ژنە سەرنوسەر لە تورکیا و کوردستان، ژنە شۆڕشگێڕ و ئازاد، غوربەتلی ئەرسۆز شەوی ٧لەسەر ٨ ی تشرینی یەکەمی ١٩٩٧ لە باشووری کوردستان، لە بۆسەیەکدا کە لەلایەن پەدەکەوە دانرابوو لەژیر گولـلەبارانی تانکی تورکیادا، شەهید بوو.

 

ڕاگەیەندراوی ڕاژن بەم شێوەیەیە:

غوربەتلی ئەرسۆز لە ساڵی ١٩٦٥ لە خارپێت ئەلازیز لەدایک بووە، لە زانکۆی چوکرۆڤا کیمیای خوێندووە و بڕوانامەی ماستەری وەرگرتووە و وەک یاریدەدەری توێژینەوە کاری کردووە، دوای کارەساتی چەرنۆبیل ١٩٨٦ و کۆمەڵکوژی هەڵەبجە ١٩٨٨ لێکۆڵینەوەکانی لە ژیان دەستیپێکردووە، لە ساڵی ١٩٨٩ دەستگیرکراوە و لەسەر بۆچوونە سیاسییەکانی ئەشکەنجە دەدرێن.

 

"غوربەتلی ئەرسۆز بوو بە هێمای تەڤگەری ئازادیی کورد و ناسنامەی ژنێکی ئازاد"

لە ساڵی ١٩٩٣ بووە سەرنووسەری ڕۆژنامەی ئۆزگور گوندەم و بووە یەکەم ژنە سەرنووسەری مێژووی تورکیا، کارى کردووە بۆ ئەوەى ڕۆشنایی بخاتە سەر تاریکیەکانى کوردستان، لەم پرۆسەیەدا زۆرێک لە ڕۆژنامەنووسان و بڵاوکەرەوەکان کوژران.

 

ساڵی ١٩٩٣ کە ڕۆژنامەکە کرایە ئامانج، دیسان دەستگیرکرا و لە ساڵی ١٩٩٤ ئازادکرا، بەو پێیەی نەیتوانی لە تورکیا درێژە بە کاری ڕۆژنامەوانی بدات، لە ساڵی ١٩٩٥ ڕووی لە شاخەکان کرد، لەوێ درێژە بە خەباتی خۆی دەدات و دڵی خۆی لەسەر شاخ هەڵکەندووە. بە خەباتی بۆ گەلەکەی، ئیتر تەنیا غوربەتلی نەبوو، بوو بە قوربانی بۆ نیشتمان. وەک لە یاداشتنامەکەیدا نووسیویەتی، دژی هەژموونی پیاوانە شەڕی کردووە و لە ناوەوە دەستیپێکردووە بۆ دەسەڵاتی ژنان.

 

غوربەتلی ئەرسۆز، بە ژیانی خۆی، بوو بە هێمای تەڤگەری ئازادیی کورد و شوناسی ژنێکی ئازاد. ئەو لە ڕۆژنامەگەریدا هەڵوێستێکی بەهێزی نیشان دا، بەدوای ڕاستییەکاندا دەگەڕا. لە ڕۆژنامەکەدا کە بە دروشمی "ڕاستی لە تاریکیدا درۆ ناکات" بڵاوکرایەوە، بە ناوی "مرۆڤایەتی ئیستغلال دەکرێت" ڕاستییەکانی ئاشکرا کرد. کاتێک ڕۆژنامەکە کرایە ئامانج، بە مانشێتی "ئەم ئاگرە تۆش دەسوتێنێت" سەریهەڵدا و بوو بە هێمای بەرخۆدان.

 

غوربەتلی وشە و حەقیقەتی یەکخست، ئەرکی مێژوویی خۆی جێبەجێ کرد و ڕۆڵێکی گرنگی لە داننان بە بوونی گەلی کورددا بینی. لە تەمەنی کورتی ٣٢ ساڵیدا خەباتێکی گەورەی کرد. پێشەنگێکە لە بونیادنانی نەریتی چاپەمەنی ئازاد. ئەو وەک پێشەنگێک بەهۆی ئەو مەشخەڵەی کە لە ڕۆژنامەگەری ژناندا داگیرساندبوو، جیاواز بوو. دوای شەهیدبوونی ژنە شوێنکەوتووانی ساڵیادی شەهیدبوونی وەک ڕۆژی ژنی ڕۆژنامەنووسیان لە کوردستان ناساند.

 

'نەریتی چاپەمەنی ئازاد بە زیندوویی دەهێڵینەوە"

ئەمڕۆ بە سەدان ژن بە کامێرا و قسە و نووسینەکانیانەوە شوێن پێی ‌غوربەتلی ئەرسۆز دەگرن. بەدوای حەقیقەتدا دەگەڕێن و بەرخۆدان زیاد دەکەن. لە ڕێگەی دامودەزگاکانیانەوە، لە تەلەفزیۆن و ڕۆژنامە و گۆڤار و ڕادیۆ و پلاتفۆرمە دیجیتاڵییەکان بەدواداچوون بۆ هەژموونی پیاو دەکەن و تاوانباران ئاشکرا دەکەن و دەسەڵات دەهەژێنن و خەبات بۆ ئازادی ژنان بەهێزتر دەکەن.

 

ئێمە وەک ڕاژن بڕیارمانداوە شوێنپێی غوربەتلی ئەرسۆز بکەوین و ببینە دەنگی هەموو ئەو گەل و ژنانەی کە پشتگوێ خراوە، بەتایبەتی گەلی کور،  ئێمە ئەو نەریتی چاپەمەنی ئازاد کە ئەو دامەزراندووە، بە زیندووی دەهێڵینەوە و گەشە پێدەدەین. بەڵێنمان دووپات دەکەینەوە کە ئایدیاڵەکانی شیلان باقی، شەڤین بینگۆڵ، گوڵناز ئەگە، ئایفەر سەرچە، دەنیز فیرات، نوژیان ئەرهان، دلیشان، دلۆڤان، ناگیهان ئاکارسەل، ئەمین دەمیر، گوڵستان تارا، هێرۆ بەهادین، جیهان بیلگین و ژنە شەهیدەکانی دیکە کە شوێنپێی غوربەتلی کەوتن پێکبێنین.

 

بە داننان بە بەرپرسیارێتی مێژوویی ڕۆژنامەگەری، خەباتی ژنان بۆ ئازادی و ڕاستی لە بونیادنانی کۆمەڵگەیەکی دیموکراسیدا بەهێزتر دەکەین. بەم بۆنەیەوە ڕۆژی ژنی ڕۆژنامەنووسانی کوردستان لە هەموو ئەو ژنە ڕۆژنامەنووسانەی کە ڕێبازی حەقیقەت پەیڕەو دەکەن، پیرۆز دەکەین.