قامیشلۆ

بەشداربووانی پێشانگای”أنامل تبدع” ”دەستی داهێنەر" دووپاتیان کردەوە، کە بوونی ژنان لە کایەی ئابووریدا چیتر پەراوێز نییە، بەڵکو بووەتە بەشێکی سەرەکی لە یەڤگەری بەرهەمهێنان و گەشەپێدان لە ناوچەکەدا.

 

ئەنجومەنی ژنانی سووریا بە کۆردیناسیۆن لەگەڵ گروپی پڕۆژە بچووکەکان بۆ کاری دەستی و پیشەی دەستی ژنان، ٢٧ی حوزەیران پێشانگای ”أنامل تبدع” ”دەستی داهێنەر"ی لە شاری قامیشلۆی ڕۆژئاوای کوردستان دەستپێکرد و دەیان ژن و خاوەن بازرگانی بچووک بەشدارییان لەو چالاکییە دوو ڕۆژە کرد، کە ئامانجی تیشک خستنە سەر داهێنەری ژنان و پاڵپشتیکردنە لە پڕۆژە بەرهەمدار و پیشەییەکانیان.

 

بەشداربووان جەختیان لەوە کردەوە، کە پێشانگاکە دەرفەتێکی گرنگ دەڕەخسێنێت بۆ نمایشکردنی بەرهەمە دەستکردەکانیان و ناساندنی بازرگانە بچووکەکانیان، هەروەها ئەم جۆرە بۆنانە بەشدارن لە بەهێزکردنی ئابووری ژنان و هانیان دەدەن بۆ پەرەپێدانی تواناکانیان و گۆڕینی بەهرەکانیان بۆ پڕۆژەی بەرهەمدار، بەمەش ئامادەبوون و ڕۆڵیان لە کایەی کۆمەڵایەتی و ئابووریدا بەهێزتر دەبێت.

 

لە هەموو گۆشەیەکی پێشانگاکەدا چیرۆکی ئەو ژنانە بەرجەستە دەکرێن کە خولیای خۆیان گۆڕیوە بۆ بەرهەمی بەرجەستە، لە کاری دەستی نەریتی تا کاری هونەری، ژنان بەرهەمی ساڵانێکی دوور و درێژی ماندووبوون و ئیرادە بۆ بەرهەمهێنان سەرەڕای بارودۆخ و ئاستەنگەکان نمایش دەکەن، پێشانگاکە ئامانجی ئەوەیە کەشێک بێت کە ئەزموونە جیاوازەکانی ژنان تێیدا کۆدەبنەوە، هەروەها سەکۆیەک بدرێت بە ژنان بۆ ناساندنی کارەکانیان بە کۆمەڵگە.

 

 

 

ن جوانی و گۆڕانکاری دروست دەکات

 

مونا یوسف، کارگێڕی نوسینگەی ژنانی سووریا لە قامیشلۆ لە وتاری دەستپێکی خۆیدا دووپاتی کردەوە، کە ژنان لە ماوەی ساڵانی ڕابردوودا توانای خۆیان بۆ تێپەڕاندنی ئاستەنگەکان و دووپاتکردنەوەی بوونی خۆیان لە بوارە جیاوازەکاندا سەلماندوویانە، بوونەتە هاوبەشی بناغە لە بونیادنانی کۆمەڵگە و بزوێنەری گۆڕانکاریدا.

 

ڕوونیشیکردەوە، ئەنجومەنەکە بەردەوامە لە پاڵپشتی و بەهێزکردنی ژنان لە ڕووی ئابووری و کۆمەڵایەتی و ڕۆشنبیرییەوە لە ڕێگەی وەرگرتنی دەستپێشخەرییەکانی ژنان و دابینکردنی پاڵپشتی بۆ بازرگانە بچووکەکان و دروستکردنی کەشێک کە ژنان بتوانن پەرە بە کارەکانیان بدەن.

 

مونا یوسف ئاماژەی بەوەدا، کە بازرگانییە بچووکەکان بە سەرۆکایەتی ژنان بوونەتە سەرچاوەی داهات و دەرفەتێکی ڕاستەقینە بۆ بەرزکردنەوەی سەربەخۆیی ئابوورییان، وتی:: پاڵپشتیکردنی ئەو پڕۆژانە تەنها بە هاوکاری دارایی سنووردار نییە بەڵکو بەرزکردنەوەی متمانە بەخۆبوونی ژنان و هاندانیان بۆ بەردەوامبوون لە بەرهەمهێنان و بەشداریکردنی چالاکانە لە کۆمەڵگەدا لەخۆدەگرێت.

 

نمایشێکی هەمەچەشن و چالاکییە کارلێککارەکان

 

پێشانگاکان لە چنین و دورینەوە تا ئیکسسوارات و بەرهەمە میراسییەکان و کاری دەستی دەستیپێکرد، کە ناسنامەی کولتووری ناوچەکەیان پیشان دەدا و تیشکیان خستە سەر توانا سەرنجڕاکێشەکانی ژنان لە بەرهەمهێنان و داهێناندا.

 

چالاکییەکانی پێشانگاکە لە نمایشکردنی بەرهەمەکان زیاتر بوو، چالاکییەکانی کات بەسەربردن و پێشبڕکێی منداڵانی لەخۆگرتبوو، ئەم بۆنانە ئامانجیان دروستکردنی کەشێکی خۆش و زیندوو بوو، دەرفەتی بەشداریکردن بۆ خێزانەکان و پەروەردەکردنی کارلێک لە نێوان پێشانگەوان و سەردانکەران.

 

لە ڕێگەی ئەم بۆنەیەوە، ژنانی بەشداربوو دووپاتیان کردەوە، کە داهێنەری ژنان هیچ سنوورێک ناناسێت، هەروەها ئەو دەستانەی کە داهێنەری و پیشەسازی و بەرهەم دەهێنن توانای داڕشتنی داهاتوویەکی گەشاوەتریان هەیە، کە تێیدا ژنان هاوبەشی بناغەی بن لە گەشەپێدان و ڕۆڵێکی کارا دەگێڕن لە بونیادنانی کۆمەڵگەیەکی دادپەروەرتر و سەقامگیرتر.