ناوەندی هەواڵ

 

لە ڕاگەیەندراوێکدا بەڕێوەبەرایەتی پۆلیسی دارستان و ژینگەی پارێزگای سلێمانی، لە پەیجى تایبەت بەخۆیان لە فەیسبوک بڵاویان کردووەتەوە، ئاگرێكى فراوان لە گوندى زەردەبى سەر بە شارەدێى سیتەک لە سنوورى سلێمانى کەوتەوە.

 

بەهۆى ئاگرەکەوە ٥٠ دۆنم لە پوش و پاوان و باخ و ڕەزى هاوڵاتیان سووتان، بە پێی زانیارییەکان ئاگرەکە بە هۆکارێکی نادیار کەتووەتەوە.

 

بەهاوکارى دانیشتووانى ناوچەکە و تیمەکانى ئاگرکوژێنەوە تواندراوە ئاگرەکە کۆنتڕۆڵ بکرێت.