ناوەندی هەواڵ

 

ناوچەکانی سووریا شایەتی تێکچوونی خێرای ئاژاوەی ئەمنین، لەگەڵ زیادبوونی مەترسیدار لە ڕێژەی کوشتن و تیرۆرکردن لەسەر بنەمای خێڵی، ئەمەش لە کاتێکدایە کە نزیکەی تەواو نەبوونی دەوڵەتی یاسا و بڵاوبوونەوەی بەربڵاوی چەک لە نێو خەڵکی مەدەنی و گروپە چەکدارەکاندا.

 

لە نێوان ٢٢ بۆ ٢٦ی تشرینی یەکەمدا، ڕوانگەی سووریا بۆ مافەکانی مرۆڤ، لە زنجیرەیەک ڕووداوی جیادا گیانلەدەستدانی ٤٠ کەسی تۆمارکردووە کە ژن و منداڵیشیان تێدایە، ئەم ڕووداوانە بریتی بوون لە تاوانی خێڵی و پەیوەندیدار بە تۆڵەسەندنەوە، تیرۆر، بۆردوومان، هەروەها تاوانی ناوخۆی و تاوانکاری، ئەم پەرەسەندنەی توندوتیژی بە ڕوونی ڕەنگدانەوەی بەردەوامی تێکچوونی ئەمنییە لە سەرانسەری ناوچە جۆربەجۆرەکانی سووریا.

 

ڕوانگەکە ڕۆژی ٢٧ی تشرینی یەکەم ئاماژەی بەوەدا، کە ئەو ڕووداوانەی ڕوویانداوە بریتی بوون لە تاوانی خێڵی و خێزانی، تاوانی تاوانکاری و تاکەکەسی، تەقەی هەڕەمەکی، تەقینەوەی نارنجۆکی دەستی، یان قوربانییەکانی دەرئەنجامی تەقینەوەی پاشماوەی جەنگ، جگە لە تەقەی چەکدارانی نەناسراو کە لە کاتە جیاوازەکاندا ڕوویانداوە، ئەم ژمارەیە ڕەنگدانەوەی ئاژاوەی ئەمنی بەردەوام و چەندین سەرچاوەی هەڕەشەیە بۆ سەر ژیانی هاوڵاتیانی مەدەنی لە ناوچە جیاوازەکانی سووریا.

 

 نیگەرانی خۆی دەربڕی لە بەردەوامی دابەزینی ڕۆژانەی قوربانیانی مەدەنی، لە ژێر ڕۆشنایی تاوانە جۆراوجۆرەکان، لەوانە تاوانە خێڵی و پەیوەندیدارەکان بە تۆڵەسەندنەوە و خێزانییەکان، ئەمەش نیشاندەرێکی مەترسیدارە بۆ هەڵوەشاندنەوەی پەیکەری کۆمەڵایەتی و دابەزینی بەها کۆمەڵایەتییەکان لە سووریا، هۆشداریدا لەوەی کە نەبوونی دادپەروەری و لێپرسینەوە و بەردەوامی بڵاوبوونەوەی چەک لە دەرەوەی کۆنترۆڵی دەوڵەت، نیشانەی توندوتیژی و ئاژاوەی زیاترە و خەڵکی مەدەنی قورسایی دەرئەنجامەکانی لە ئەستۆ دەگرن.

 

ڕوانگەی سووریا بۆ مافەکانی مرۆڤ داوای لە هەموو لایەنەکانی سووریا کرد، کە بەرپرسیارێتی یاسایی و ئەخلاقی خۆیان لە ئەستۆ بگرن و هەنگاوی بەپەلە بنێن بۆ بونیادنانەوەی دادپەروەری و دامەزراوە ئەمنییەکان لەسەر بناغە پیشەیی و جگ٣لەوانەی خێڵن، هەروەها دەستەبەرکردنی دادپەروەری بۆ قوربانییەکان و بنەماڵەکانیان دوور لە لۆژیکی تۆڵەسەندنەوە.