حەنان حارت

 

مەغریب- لە چیاکانی شفشاون لە باکووری مەغریب، کە دار زەیتونەکان تا ئەو شوێنەی چاو دەیبینێت بڵاوبوونەتەوە، چیرۆکەکان لە سکی سروشتەوە لەدایک دەبن، لەوێ، لە دووار عەلاوی دوور لە قەرەباڵغی شارەکان، زەهرە ئەحناج لە ستۆدیۆ سادەکەی خۆیدا دادەنیشێت، کڵاوێکی شفشاونی لەسەردایە کە بە تاڵە ڕەنگاوڕەنگەکان ڕازاوەتەوە، زیاتر لە سەر داپۆشینی دەزانێت، بەڵکو بە ڕاگەیاندنی ناسنامەیەک دەزانێت کە ڕەگ و ڕیشەی لە شوێنەکەدا هەیە، و سەر بە کۆڵبەرێک و گوندێک و خاکێکە، کە هەموو ئەمانە لە تابلۆکانیدا ڕەنگ دەدەنەوە.

 

زەهرە ئەحناج هونەرمەندێک نییە کە دەرچووی پەیمانگای هونەری بێت، بەڵکو هونەرمەندێکی خۆفێربووە و بە دەست و ئیرادەی خۆی شێوازەکەی دروست کردووە، لە منداڵییەوە لە نیگارکێشاندا دەرچەیەکی دۆزیەوە کە قەرەبووی پشوودانی سەرەتایی لە قوتابخانە دەکاتەوە، دوای ئەوەی لە پۆلی شەشەمدا بەهۆی دووری نێوان قوتابخانەی ناوەندی و ماڵەکەیەوە لە خوێندن وەستا، لەو ساتەدا بیرۆکەیەک هات بە خەیاڵیدا، وتی: چی ئەگەر ئاوی زەیتون بۆ نیگارکێشان بەکاربهێنرێت؟ بەشێکی هەڵگرت و لەسەر کاغەز تاقیکردەوە، بۆی دەرکەوت کە سروشت ڕەنگێکی بێبەرامبەر و هەرزانی بۆ دابینکردووە، جیاواز لەوەی هونەرمەندان بەزۆری دەیزانن، لەو کاتەوە "ئاوی زەیتون" بووەتە پێکهاتەی نهێنی ئەو، کە فڵچەکەی تێیدا نوقم دەکات، پاشان بەسەر کاغەزەکەدا دەڕوات بۆ ئەوەی دەموچاو و سیما لەبیرنەکراوەکانی ژیانی ژنانی گوندنشین بکێشێت.

 

سیما لەبیرنەکراوەکانی گوندەکان بە پەنجەکانی خۆی وەرگرتۆتەوە

سەبارەت بەو تەوەرانەی کە لە کارەکانیدا گرنگییان پێدەدات، وتی: من ئیلهامم لە ژنان وەرگرتووە، بەتایبەتی ژنانی گوندنشین کە بەدەست زەوتکردنی سەرەتاییترین مافەکانیانەوە دەناڵێنن، وەک پەروەردە و بەشداریکردن لە ژیانی گشتیدا، هەر سەرکەوتنێک بەدەستی بهێنم، بەناوی هەموو ژنانی گوندنشینەوە بە سەرکەوتنی دەزانم، هەروەها تابلۆکانم ئەوە دەردەخەن کە ژنانی گوندنشین توانای داهێنانیان هەیە، تەنانەت لە شتە سادەکانی وەک ئاوی زەیتونیشەوە.

 

سەرەڕای ئاڵەنگاریەکان، بەڵام بەردەوامە

گەشتەکەی لەگەڵ هونەردا بێ ئاڵەنگاری نەبوو، وتی: نەبوونی پشتیوانی دامەزراوەیی بۆ هونەرمەندان لە مەغریب، ڕێگاکە قورس دەکات، تەنانەت کارتی هونەرمەندیش واتای زۆری نییە، چونکە پشتگیری لاوازە، سەرەڕای ئەوەش، وازی نە هێنا، کارەکانی لە تۆڕی کۆمەڵایەتی بڵاوکردەوە، لەوێدا کارلێکی بەرفراوانی لەلایەن بینەرانی ناوخۆی و نێودەوڵەتییەوە وەرگرتووە، هەروەها لەلایەن هونەرمەندانەوە کە سەرسام بوون بە ئەزمونەکەی، ئەم حەزەش هانی دا بەردەوام بێت و شێوازەکەی خۆی پاڵاوتە بکات.

 

سەبارەت بە خەونەکەی، زەهرە ئەحناج وتی: سادەیە و لە هەمانکاتدا قوڵە، هەروەها  ژنانی گوندنشین دەرفەتی فێربوون و بەدەستهێنانی خولی پەروەردەی پیشەیییان هەبێت، لەگەڵیشیدا هونەری بینراو وەک زیاتر لە تەنها کارێک سەیر بکرێت، بەڵکو وەک پەیامێکی مرۆی سەیر بکرێت، هیوادارم هونەرمەندان، بەتایبەتی ژنان، شایستەی خۆیان پێبدرێت.