rojane

14:09

Rojnamevanên Şengalê êrişa dewleta Tirk a ya bi SÎHA li dijî xebatkarên Çira TV û FM şermezar kirin û bang li saziyên navnetewî kirin ku ji bo parastina rojnamevanan tedbîrên guncaw bigirin.

14:03

Komîsyona Hiqûqê ya Partiya DEM'ê, diyar kir ku sepanên girtîgehên bi tîpa Y û S cara ewil li Girtîgeha Îmraliyê ketine meriyetê û got ku divê ev girtîgeh demildest bên girtin.

11:05

Raportorên Neteweyên Yekbûyî diyar kirin ku mirina ji ber kêmxwariniyê ya li Zîvala Xezayê ku Îsraîl êrîşên xwe lê didomîne, xela ji bakur heta navend û başûrê Xezayê belav bûye.

10:55

Îsraîlê li Xan Yûnisê êrîşê Filistiniyên ku xwe sipartibûn dibistanê kir. Di êrîşê de piranî jin û zarok bi dehan Filistîniyan jiyana xwe ji dest dan.

10:47

16 girtiyên jin ên siyasî yên li Girtîgeha Evînê nerazîbûn nîşanî cezayê îdamê yê li girtiya siyasî Şerîfa Mihemedî dan û gotin: “Dixwazin bi cezayê darvekirinê jinan bitirsînin û dengê ku ji bo nerazîbûnê bilind dibin û bibirin.”

10:44

Li Efganistanê, kêmkirina mûçeyên tendirûstvan û mamostayên jin hate sabîtkirin hate protestokirin. Bijîşk û tendirûstvanên jin diyarkirin ku zagon û pêkanînên Talîban ên li dijî jinan qebul nakin.

10:37

Rojnameger Wafa Boujwarî, bal kişand ku li Libyayê di warê medyayê de tevî serkeftinên mezin jî jin rastî cudakariya zayendî tên û diyar kir ku divê li dijî cudakariyê bertek werin nîşandan.

08:21

Rêveberiya Şûnwaran a Bakur û Rojhilatê Sûriyeyê ji bo parastina şûnwarên kevnare yên herêmê xebatên parastinê dike. Hevseroka Rêveberiya Şûnwaran Hemrîn Omo got ku di parastina şûnwaran de pêwîst e gel jî bibe alîkar.

21:34

Çalakiya nobetê ya li Wargeha Penaberan a Şehîd Rustem Cudî (Mexmûr) li dijî tecrîda girankirî ya li ser Rêberê Gelê Kurd Abdullah Ocalan hatî destpêkirin, bi dewirgirtina koma 70’emîn û bi biryardariyek mezin didome.

20:27

JSC êrişa li dijî tîma çapemeniya azad li Şengalê şermezar kir û bang li desthilatên xwecihî û navneteweyî kir ku yekser lêpirsîneke zelal li ser vê bûyerê bikin û aliyên berpirsê hesab bikin.

20:21

Şêniyên bajarê Qamişlo li dijî êrîşên dewleta Tirk yên li ser Başûrê Kurdistanê meşiyan û banga mezinkirina têkoşînê hat kirin.

16:00

Di rapora ku li Kayserî der barê êrişa li dijî Sûryeyiyan de hat amadekirin de hat diyarkirin ku êriş bi awayekî organîzekirî hatiye kirin.

15:40

Jinên Kurd û yên Ereb ji bo nirxandin û balkişandina ser bîrdoziya Rêberê Gelê Kurd Abdullah Ocalan li hev kom bûn û komxebatek li dar xistin. Beşdarên komxebatê teqez kirin ku ew ê bi hevgirtina xwe pergala Îmraliyê hilweşînin.

15:07

Hat ragihandin ku girtiyên li Girtîgeha Ewlehiya Bilind a Hejmara 1 a Sîncanê bi jehrê ketine.

14:38

Li gundên Hecîcerogo, Merxok, Şem, Qilêçî yên navçeya Tatosa Erziromê piştî barana zêde bendava Hecîcergo teqiya û lehî li gundan rabû. Di encamê de gelek mal xera bûn û sewal bi avê re çûn.

14:26

Tevgera Jinên Kurd a Ewropayê diyar kir ku li dijî tecrîdê zêdetirî 20 hezar jinan ji CPT’î re name şandine û bang li CPT’î kir ku ji bo bidawîkirina tecrîdê bi erkên xwe rabe.

14:25

Rêxistina navneteweyî ya Efûyê di rapora xwe ya ‘rewşa mafê protestoyê li 21 welatên Ewropa’ de bal kişand ku li Tirkiyeyê rewşa ‘Bê cezatî û hesab nedan’ zêde bûye.

14:15

Tevgera Azadiya Jinên Êzidî (TAJÊ) bi boneya salvegera fermanê çalakiyên xwe didomîne. Di navbera gundê Dugurê û Dohla de sê jinên ku li dijî çeteyên DAIŞ’ê têkoşiyan û jiyana xwe ji dest dan hatin bibîranîn.

14:03

MKG'ê bertek nîşanî êrîşa li Şengalê ya li hemberî rojnamegeran da û got: "Em ê bibin dengê gelê xwe."

13:11

Baroya Amedê, bi îdiaya ku rêbazên tedawiyê yên ku bi awayekî zanistî nayên qebûlkirin li ser nexweşên koronayê hatine ceribandin û weke “kobay” tên bikaranîn, serlêdana sûc kir.