rojane

05:00

Hevberdevka HDK’ê Meral Daniş Beştaş diyar kir ku tayînkirina qeyûman rêbaza xesp û derbeyê ye û destnîşan kir ku li dijî vê bêhiqûqiyê ne tenê gelê Kurd divê hemû gel têbikoşin.

21:01

Tora Mafên Mirovan a Kurdistanê û Yekîtiya Jinên Sosyalîst ên Ewropayê bi armanca şermezarkirina cezayê darvekirinê ya li Endama KJAR'ê Werîşe Mûradî hat dayîn, banga li dijî darvekirinê hat kirin.

18:45

Ji bo naskirina jenosîda 3’ê Tebaxa 2014’an bi pêşengtiya Rêveberiya Xweser a Şengalê pêngava îmzeyan hat destpêkirin. Pêngav dê heta Çarşema Serê Nîsanê bidome.

14:38

Hate ragihand ku hejmara kesên di êrişên Îsrailê li ser Zîvala Xezayê, ji dîroka 7’ê Cotmeha 2023’an heta niha jiyana xwe ji dest dane gihîşt 43 hezar û 712’an, hejmara birîndaran jî gihîşt 103 hezar û 258’an.

14:27

Li Qamişlo jin li dijî biryara cezayê darvekirinê ya rejîma Îranê li endama KJAR’ê Werîşe Mûradî birî, meşiyan. Jinan banga bilindkirina têkoşînê li dijî cezayên darvekirinê dan.

14:21

Girtiyên siyasî yên li girtîgeha Dastgerd a li bajarê Îsfahan a Îranê, tevlî çalakiya greva birçîbûnê ya li dijî darvekirinê bûn.

14:10

Polîtîkayên Jinê yên Şaredariyên DEM Partiyê, di 25’ê Mijdarê de li dijî tundiya li ser jinê kampanyayek salek da destpêkirin.

12:39

Tehliyeya Ardil Çeşme ya girtiya 30 salan ji aliyê ÎGK ve 6 mehan hate taloqkirin.

11:52

Îdianameya der barê Mehmet Demîrhanê ku Hîlal Kar bi zanebûn qetil kir hat amadekirin. Di danişîna ewil a 27'ê Çileyê de, malbatê banga hevgirtinê kir, parêzera Hîlal Kar, Eda Kar jî got: "Ji bo kiryar cezayê pêwîst bigre em ê têbikoşin."

11:43

Komîteya Perwerde û Hîndekariyê ya Helebê bi boneya salvegera 25’ê Mijdarê li taxa Şêx Maqsûd Şerqî daxuyanî da.

10:11

Komek xwendekarên beşa endezyarê ya Zanînageha Helebce ji bo alîkarî bi Nexweşxaneya Hîwa re bikin çalekiyek li darxistin.

09:33

Li Mexribê, guherîna herî dawî ya wezîran û piştî hilbijartina buroya şêwirmendan, jin careke din li ser rêgezên wekheviyê nîqaş dikin. Jin diyar dikin ku bihêzbûna rast a siyasî tenê bi pejirandina hebûna wan pêkan e.

08:58

Dosyaya ku derbarê rojnamevan Gulîstan Tara û Hêro Behadîn hatiye amadekirin, radestî Nûneriya YE’yê ya Iraqê hate kirin.

08:30

Endama Buroya jinan a Partiya Neteweyî ya Sûriyeyê Fatîma Al-Faraj diyar kir ku ji şer û pevçûnên çekdarî yên li Rojhilata Navîn herî zêde zirarê dibînin jin û zarok in û divê jin li hemberî vê yekê xwe xurt bikin û biparêzin.

08:13

Jinên Efganistanê, piştevaniya xwe ya bi jinên Îranê re anîn ziman û li dijî cezayê darvekirinê yê li Werîşe Mûradî hatiye birîn banga piştevaniyê kirin.

08:10

Bi nêzbûna zivistanê re jinên koçber ên li kampên Bakurê Idliba di bin dagirkeriya dewleta Tirk de de ye di nav zehmetiyan de ne. Bi dehhezaran malbat li kampên ku ji paçan hatine sazkirin dijîn.

05:41

TJA xwe ji 25’ê Mijdarê Roja Têkoşîna bi Şîdeta li Dijî Jinan amade dike. TJA li dijî şîdetê atolyeyên şiyarî û rêxstinbûnê li dar dixe. Endama TJA’yê Arzu Karaman bi gotinên; “Xweparastina me bi rêxistinbûna me ye” banga mezinkirinê têkoşînê kir.

05:30

Berdevka Komîteya Dîplomasiyê ya TAJÊ Sûham Şengalî diyar kir ku piştî rizgarkirina Şengalê gav bi gav DAIŞ têk çûye, darbe li zîhniyeta xof hat xistin û got ku di roja îro de jî Şengal bi heman ruhî li dijî her êrişan li ber xwe dide.

05:21

Jinên ji Misirê yên ku derbarê têkoşîna jinan a li dijî her cûre tundiyê de nirxandin kirin anîn ziman ku binpêkirin û tundiya li ser jinan bi têkoşîna hevpar dikare bê derbaskirin.

05:00

Kampeke mirovî ya penaberan, ji ber bi hezaran malbatên DAIŞ’ê bûye cihekî bi xeter. DAIŞ’a ku ji aliyê Hêzên Sûriyeya Demokratîk ve hat têkbirin, malbatên wan ên li kampa Holê metirsiyek mezin in ji bo gelê Bakur û Rojhilatê Sûriyeyê.