rojane

13:30

DFG’ê di sala 2024’an de piştgiriya hiqûqî da 152 rojnamegeran, di 49 dozan de rojnamegerî parast, ji ber 31 rojnamegerên polîsan tundî lê kiribûn jî serlêdanên sûc kir.

12:31

Bi beşdarbûna jinan û xwendekaran bi dirûşma ‘Pirtûk welat e’ 13’emîn Fuara Pirtûkan li paytexta Tûnisê destpê kir. Dê fuar heya 11’ê Çileyê berdewam bike.

10:38

Jinên ji Suweydayê diyar kirin ku namzediya Mohsîne Salih El-Muhtewî li Sûriyeyê cara yekem e û gotin ku dê rê li pêşiya jinan veke ku di erkên biryardanê de cih bigrin û diyar kirin ku divê jin tevli avakirina Sûriyeya nû bibin.

10:30

Danişîna duyemîn a doza têkildarî qetilkirina Narîn Gûran a 8 salî di roja duyemîn de bi parastina kiryaran berdewam dike.

09:25

Kampanya îmzeyan a ji bo ku di serî de li Iraq û di asta navnetewî de fermana 74’an a bi ser civaka Êzidî de hat wek ‘Jenosîd’ bê erêkirin, li Şengalê didome.

08:52

Jinên Tûnisê diyar kirin ku çapemeniya Tûnisê tenê pirsgirêkên ku jin di rojên taybet ên weke 8'ê Adarê de vedibêje û diyar kirin ku divê xebatkarên çapemeniyê ji bo hişyariya derbarê jinan de bên perwerdekirin.

08:27

Helîme Helis a 70 salî ya li Xezayê koçber bûye û di şertên dijwar de dijî, diyar kir ku rojê tenê danek xwarinê dibînin, av ne paqij e û zarokên wan di nav lepên wan de dimirin. Helîme Helis bang li dinyayê kir ku êdî vî şerî rawestînin.

07:56

Jinan di sala 2024’an de li sêgoşeya Kurdistan, Îran û Afganistanê li hember dijminatiya li dijî jinan, vê salê kirin sala têkoşînê. Têkoşîna jinê ku sînor derbas kirin, bû sembola berxwedan û azadiyê.

05:21

Li Tirkiye û Bakurê Kurdistanê, her çendî desthilatdariyê di sala 2024’an de li dijî jinan, şer, qetliam, şîdet, tecawiz, cudakarî bi qeyûman desteserkirina îradeyê, windakirin û xizaniyê rewa dîtibe jî jinan di her warê jiyanê de berxwedana xwe domandin.

05:15

Endama tora jinên Îtalî ya bi navê Noi Rete Donne, Cecilia Brighi bi peyamek ku ji bo jinên Sûriyê şand, piştgiriya xwe bi têkoşîna jinan re anî ziman û got ku divê dîplomasiya navnetewî bila guh bide daxwazên jinên Sûriyê.

05:00

Rêvebera Meclisa Olî ya Jinan a Kongreya Îslama Demokratîk a Til Temirê Gulnaz Osman pêvajoya ku niha jinên Sûriyeyê dijîn nirxand û got ku divê li dijî îslama siyasî bêdeng nemînin, dema bidestxistina derfetên dîrokî ye.

20:16

mevana jin ya Îranî Jîla Benî Yeqûb eşkere kir ku rejîma Îranê li girtiyên jin yên cezayê darvekirinê li wan hatiye birîn ku li Girtîgeha Qerçek tên girtin, cezayê ‘recmê’ li wan birî.

19:08

Hate zanîn ku di 22’yê Kanûnê de her du girtiyên siyasî yên jin Werîşe Muradî û Pexşan Ezîzî bi malbatên xwe re hevdîtin pêk anîn.

14:12

MKG’ê bi nivîsa ku ji bo rojnameger Cîhan Bîlgîn û Nazim Daştan ên hatin qetilkirin bi 4 zimanan weşand, banga piştevaniyê li 103 rojnamegerên li gelek deverên cîhanê kir.

14:12

191 parêzerên li Îran û Rojhilatê Kurdistanê erişên dewleta Tirk û çeteyên wê yên li ser Bakur û Rojhilatê Sûriyê şermezar kirin û daxwaz ji Neteweyên Yekbûyî kirin ku di zûtirîn dem de pêşî li êrişan bigre.

14:10

Rojnamegerên jin ên di dema protestokirina qetilkirina rojnameger Nazim Daştan û Cîhan Bîlgînê de hatin girtin, diyar kirin ku ew ê ji têkoşîna xwe paşvegavê neavêjin û gotin: “Em ê mîrateya Nazim û Cîhan bidomînin.”

12:31

Saziyên siyasî û olî yên Suweydayê, Mohsine Saleh Al-Muhtawwi ya Durzî ji bo walitiyê namzet nîşan dan.

10:48

Weqfa Dozên Jinên Misrê, ji bo li cihê zagona rewşa kesane ya heyî, zagonek dadwertir were avakirin, bi salan e dixebite. Di vê zagonê de nêzî 100 salan e tu guherînek hêja nehatiye kirin.

10:43

Rojnamevana Îranî Jiyal Benî Yeqûb diyar kir ku li Girtîgeha Qerçek a bajarê Varamîna Îranê jinên girtî bi metirsiya darvekirinê re rû bi rû ne.

10:40

Li Amedê beriya danişîna duyemîn a doza qetilkirina Narîn Guranê pêkhateyên Tora Têkoşîna li Dijî Tundiyê daxuyanî dan û wiha gotin: “Em ê heta dawiyê dozên Narîn, Rojîn û hemû jin û zarokên hatine qetilkirin bişopînin.”