rojane

14:05

Rapora nû ya Tora Azadî û Maf a Yemenê, raxist ber çavan ku Hûsiyan ji 2017’an heta niha li dijî jinên Yemenê herî kêm 5 hezar û 618 binpêkirinên mafan kirine. Di nava binpêkirinan de kuştin, revandin, îşkence û girtina bi zorê hene.

14:04

Civîna yekem a komîsyona li Meclisa Tirkiyeyê dest pê kir. Serokê Meclisê Nûman Kurtulmuş axaftina vekirinê kir û got ku dê raya giştî bi şefafî bê agahdarkirin.

13:53

Berdevka Meclîsa Jinan a DEM Partiyê Halîde Turkoğlu li ber Girtîgeha Jinan a Girtî ya Sîncanê axivî û got, "Em bi vê yekê bang li hemû rêveberiyên girtîgehan û Wezareta Dadê dikin. Tiştê ku hûn dikin sûcek li dijî mafên mirovan e. Dev ji vê sûcê berdin.”

13:34

Hêzên Iraqê yê ku ji danê siharê de tevgerek zêde li Mexmûrê pêk tîne hewl dide derdora wargehê têl bike.

12:40

Bêdengiya jinên Başûrê Kurdistanê li hemberî bêedaletiya li ser civakê, kuştin û tundiya ku tu sînor jê re nemaye, di lehiya desthilatdariyê de ye û tenê hêzê dide wê.

12:30

Tevgera Çandê ya Jinên Hîlala Zêrîn, kuştina hunermend Diyala El-Wadî bi daxuyaniyek çapemeniyê şermezar kir.

12:24

Hêzên Iraqê yên hatine wargeha Mexmûr hevdîtin bikin, hêzek mezin leşkerî û alavên karkirinê li gel xwe anîne û li derdor û ser Mexmûrê jî liv û tevgerek leşkerî û helîkopteran heye.

10:57

Di nava trajediya Suweydayê de, jin weke pêşeng derketin holê, bêdengiyê red kirin û daxwaza federalîzmê kirin. Jinan diyar kir ku federalîzmê wek vebijarkek ji bo parastina cihêrengî û hevsengiyê pêşniyar dikin.

09:34

Aktivîsta Mexribî Rajaa Aşşababî ya li Fransayê dijî got ku li dijî zoriyên jinên li herêmên şer, Filistîn, Sûriye, Libya û Sûdanê dijîn divê raya giştî ya navneteweyî dengê xwe derxe û bang kir ku ji bo bihîstina dengê jinan mekanîzma werin avakirin.

09:22

Zelîxa Muslim a ji kantona Reqayê ye, bûye şahidê kiryarên DAIŞ’ê yên li dijî jinên Êzidî yên dîl li herêmê. Wê bi îsrar û tevî xeteran 12 jinên Êzidî û 13 zarokan ji DAIŞ’ê rizgar kir.

08:56

Her ferdek civaka me Êzidî ji biçûk heta mezinên wê dibêjin; Me 73 ferman dîtin û jiyan kirin, hemû jî bi armanca me tune bikin û koka me biqelînin, lê em tune nebûn. Fermana 74’an jî berdewama heman ferasetê bû, lê dîsa jî em tune nebûn.

08:18

Endam û kemeramana JIN TV’yê Sewsan Elî ya ku yek ji penaberên Serêkaniyê ye, dibêje ku JIN TV deng û rûyê jinê ye, her wiha ji bo ragihandina rastiya civakê dixebite.

08:12

Hevseroka Desteya Ekolojiyê ya kantona Firatê Almaz Romî ji bo şewatên ku niha li Sûriye, Rojhilata Navîn û cîhanê rû didin diyar kir ku her kes ji ber xirabûna jîngehê berpirsyar e.

21:15

Di medyaya dijîtal de nivîskara blog Dunya Huseynî û hemwelatiya Bahaî Naznîn Abedînî piştî du mehan bi kefalet hatin berdan.

20:15

Navenda Çavdêriya Mafên Mirovan a Sûriyeyê (SOHR), ragihand ku ji ber êrişên li dijî parêzgeha Suweydayê ku 13’ê Tîrmehê dest pê kirin, hezar û 517 kes hatine kuştin û ji wan 300 kes bi zanebûn hatine înfazkirin.

20:12

Çalakiya rûniştinê ya jinên Beluc ku bi daxwaza berdana pêşengehên xwe û eşkerekirina aqûbeta windakiriyan hatiye destpêkirin, di roja xwe ya 20’an de didome.

19:01

Li gorî rapora DFG’ê ya meha Tîrmehê, 8 rojnameger hatin binçavkirin û 34 rojnameger jî hê di girtîgehê de ne.

17:04

Îlham Ehmed ya di komxebata "Veger maf e, nayê jibîrkirin û dev jê nayê berdan" de axivî, got: “Avakirina Sûriya nû tenê bi qebûlkirina nasnameya hemû pêkhateyan çêdibe. Divê kongreyeke niştimanî bi beşdarbûna hemû aliyan were lidarxistin.”

16:08

Serokwekîla Koma DEM Partî Gulistan Kiliç Koçyîgît, der barê komîsyona ku wê sibê li Meclîsê bê avakirin de agahiyan da û got: “Divê mirov qebûl bike ku formulasyona ji sedî sed dê ji çapemeniyê re vekirî be an jî ji sedî sed girtî be pêkan xuya nake.”

14:15

Aktivîstên jin ên Iraqê, di çalakiya ji bo bîranîna Fermana 74’an a Şengalê de bang li hikûmeta Iraqê kirin ku jenosîda li dijî Êzidiyan nas bike, ji bo lêkolîna windayan komîte ava bike û destek bide yên sax mane.