Navenda Nûçeyan- Hûsî, li Yemenê rasterast saziyên jinan hedef digirin. Girtina saziyan û ji kar derxistina karmendên jin, mîna binpêkirinên cidî yên mafên jinan û desteserkirina azadiyên wan tê hesibandin.

Îro kesên girêdayî hêzên Hûsiyan, êrîşî avahiya şaxa Yekîtiya Jinên Yemenê ya li navçeya El-Meşanna ya bajarê Îbbê kirin. Milîsan avahî girtin û bi dehan stajyerên jin bi darê zorê ji hundir derxistin.

Li gorî çavkaniyan, Hûsiyan bi komên jinan ên bi navê "Zeynabiyat" ketin avahiyê, kilîta kevin a li ser derî şikandin û li şûna wê kilîtek din danîn. Di dema êrîşê de 63 jinên ku perwerdehiya hunerên destan û jêhatîbûnên pîşeyî girtine, ji avahiyê hatin derxistin.

Ev êrîş, êrîşa duyemîn a Hûsiyan a li dijî Yekîtiya Jinên Yemenê ye û tê gotin ku tu otoriteyek ku van binpêkirinan asteng bike an jî rawestîne, tuneye.