Navenda Nûçeyan – Li gorî raporên hatine weşandin, sûcdariya sereke ya li dijî vî xwepêşanderî "tevlîbûna çalakiyên operasyonel ji bo xurtkirina Îsraîl, DYA û komên opozîsyonê" ye, û her weha "şer.” Ev sûcdarî li ser çalakiyên wê yên di dema xwepêşandanên li Meşhedê di 8 û 9ê Çileya 2026’an de û veguhestina xwepêşanderên birîndar bi motorsîkleta xwe bo navendên bijîşkî ne.

Êvara 2’ê Sibata 2026’an, hêzên ewlehiyê Mahbube Şabanî li Meydana Azadî ya Meşhedê bi karanîna hêzek zêde binçav kirin, motorsîkleta wê desteser kirin û paşê ew veguhestin Girtîgeha Vekilabadê. Dadgehkirina wê roja, 1’ê Îlona 2026’an pêk hat û Şabanî piştî dadgehkirinê wê cardin şandin girtîgehê.

Ev xwepêşandera jin ji 20’ê Tebaxa 2026’an vir ve di greva birçîbûnê de bû, ji bo protestokirina şert û mercên girtîgehê, nezelaliya derbarê doza wê de û nebûna lênêrîna bijîşkî. Piştî xwepêşandanên di Kanûnê de, gelek kesên ku hatin girtin cezayên giran, di nav de cezayê darvekirinê jî, li wan hatin birîn.