Navenda Nûçeyan –  Partiyên siyasî û rêxistinên sivîl ên Enqereyê ji bo bîranina Ethem Sarisuluk ku di 2013’an de ji ber çalakiyên Parka Geziyê ji aliyê polîsan ve hatibû kuştin, xwestin bernameya bîranînê li dar bixin. Polîsan girse dorpêç kir û êrîşî girseyê kiribû. Di nav de nûçegihana Ajansa Mezopotamyayê Sema Bîngol jî hebû 24 kes hatibûn binçavkirin.

Nûçegihana Ajansa Mezopotamyayê Sema Bîngol û 6 welatiyên din piştî karûbarên kontrola li nexweşxaneyê hatin berdan. Hat zanîn ku duh bi şev jî du kesên din ên di binçavan de ku navê wan nehat zanîn piştî îfadeyên li midûriyeta polîsan hatine berdan.

16 kesên din ên di binçavan de sewqî edliyeyê hatin kirin û karûbarên wan ên li edliyeyê berdewam dike.