Navenda Nûçeyan – Li gelek bajarên Tirkiyeyê îsal jî bi boneya 8’ê Adarê Roja Jinan a Cîhanê, wê Meşên Şevê yên Femînst werin lidarxistin. Rêxistinên jinan û femînîst, bi banga piştevanî û têkoşîna li dijî şer, mêrsalar û kapîtalîzmê li qadan dê li hev kom bibin.

Îsal wê li Antalya, Enqere, Bodrum, Çanakkale, Datça, Fethiye, Hopa, Stanbol, Îzmîr û Mêrsênê meş werin lidarxistin. Rêxistinên femînîst diyar kirin ku rizgarî bi têkoşîna femînîst gengaz e. Banga beşdariya meşan li jin û LGBTÎ+ yan kirin.

Adana

Li Adanayê îsal wê 3’yemîn Meşa Şevê ya Femînîst were lidarxistin. Beşdar wê bi banga li dijî kapîtalîzma mêr, mezinkirina têkoşîna femînîst û kolanan bi rengê mor boyax bikin dê li hev kom bibin.

Cihê kombûnê:  19.00 – parka zarokan a Gazîpaşa (Li kêleka dibistana seretayî ya Celalettîn Seyhan)

Enqere

Meşa li Enqereyê, ji Filistînê heta Rojava, ji Îranê heta Enqereyê wê balê bikşînin ser piştevaniya bi jinên ji cihên cuda yên dinyayê re.

Cihê kombûnê: 19.30 – Kolana Yukselê

Antalya

Li Antalyayê jin û lubunya, bi daxwaza jiyana wekhev, azad, laîk û di nava aştiyê de wê di 13’emîn Meşa Şevê ya Femînst de li hev kom bin.

Cihê kombûnê:   19.00 – Uçkapılar

Bodrum

Meşa li Bodrumê jî wê bi banga têkoşîna li dijî mêtingeriya beden û nasname, ked û ji nedîtî ve hatinê were lidarxistin.

Cihê kombûnê: 17.30 – Qada Mizgefta Tepecîk

Çanakkale

Meşa ku li Çanakkaleyê were lidarxistin, jin ji bo îsyana xwe di 8’ê Adarê de bînin ziman wê li hev kom bibin.

Cihê kombûnê: 20.30 – Bexçeyê Çay Golf

Datça

Li Datçayê, bi destnîşankirina ji bo azadiya jinên têkoşîna li dijî şer, tundî, mêrê serdet dê meş were lidarxistin.

Cihê kombûnê: 19.30 – Mala Demokrasiyê

Fethiye

Li Fethiyeyê jin, wê bal bikşînin ku ew dev ji jiyan, ked û gotinên xwe bernadin, li dijî xizanî û newekheviyê wê li hev kom bibin.

Cihê kombûnê: 19.30 – Ocaxa Tendirustiyê ya bi Hejmar 1

Hopa

Li Hopayê, li dijî xizanî û paşverûtiyê, bi daxwaza jiyana wekhev, azad Meşa Şevê ya Femînîst dê were lidarxistin.

Stenbol

Wê di meşa li Stenbolê de, balê bikşînin ser piştevanî û têkoşîna femînîst li dijî şer, kapîtalîst, heteroseksizme û mêrsalariyê.

Cihê kombûnê:  19.30 – Siraselviler / Taksîm

Îzmîr

Li Îzmîrê femînîst li dijî mêrê serdest, banga ‘îsyana me xilas nabe, bi kêfxweşî û hêrsê’ kolanan bi mor boyax bikin.

Cihê kombûnê: 19.00 – Navenda Çanda Leman (Li ber Pirtûkxaneya Penguen)

Mêrsîn

Di 12’emîn Meşa Şevê ya Femînîst ku li Mêrsînê were lidarxistin de, bi daxwaza jiyana wekhev û azad, bang hat kirin ku werin ba hev.

Cihê kombûnê: 19.30 – Kolana Kushimoto