Navenda Nûçeyan – Meyn û bermayiyên şer ên li Sûriyê jiyana sivîlan tehdît dikin. Du zarok di teqîna bermayiyeke şer de li Kampa El-E’zayê ya nêzî bajaroka Knakir a li gundewarê rojavayê Şamê jiyana xwe ji dest dan, her wiha mêrek û jinek bi birînên cuda birîndar bûn.

Li gorî Çavdêriya Sûrî ya Mafên Mirovan, ev bûyer roja Pêncşemê (18’ê Îlonê) li derdora Knakirê, di nav kampa koçberên ji Dêrazorê de qewimî. Teqîn ji ber bermayiyeke şer pêk hat û şirîkên wê bûn sedema mirina du zarokan û birîndarbûna mêrek û jinekê.

Ev bûyer di çarçoveya zêdebûna qurbanên sivîl de ye, ji ber belavbûna meyn û bermayiyên şer ên li gelek deverên Sûriyê, ku ji ber nebûna hewldanên têr ji bo rakirina wan jiyana niştecihan dixe xeterê.

Ji 8’ê Kanûnê ve 618 mirin

Li gorî Çavdêriya Sûrî ya Mafên Mirovan, ji dema hilweşîna rejîma Sûriyê di 8’ê Kanûna  2024’an ve heta niha, 618 sivîl, di nav de 170 zarok û 42 jin, ji ber teqîna bermayiyên şer jiyana xwe ji dest dane. Her wiha, 673 kesên din, di nav de 296 zarok û 22 jin, birîndar bûne.