HELÎN EHMED

Silêmanî – Kuştin û xweşewitandina jinan ne tenê trajediyek jiyana takekesan e, her wiha birîneke kûr di laşê civakê de ye, birîneke ku ji ber bêdengkirin û normalîzekirina tundiyê kûrtir dibe. Kampanyaya ku çalakvanên mafên jinan, hunermend, parêzer û jinên ku tundiyê dîtine beşdar dibin, dê çîrokên qurbaniyên jin bi rêya belgefîlm, kampanyayên îmzeyan, xebata meydanî û medyaya civakî bighîne raya giştî. Ji destpêka Cotmeha 2026’an pê ve, kampanya dê hemû bajar û gundên Herêma Kurdistanê bigre nav xwe.

Gelek jin ji hewldanên xwekuştinê û xweşewitandinê dikşînin

Rêvebera Tora 8’ê Adarê û organîzatora kampanyaya li dijî xwekuştin û xwe şewitandina jinan Bahar Mûnzir, diyar kir ku kampanyaya ku dê di 9’ê Îlona 2026’an de dest pê bike, dê ji 8 mehan heta salekê bidome da ku ji pirsgirêkek rêxistinî veguhere pirsgirêkek civakî. Wê ragihand ku ew ê êş û trajediyên ku jin dijîn belge bikin. Bahar, destnîşan kir ku gelek jin ji hewldanên xwekuştinê û xweşewitandinê dikşînin, diyar kir ku welatî êdî kuştina jinan wekî tiştekî normal nabînin û wiha domand: “Kampanyaya îmzeyan hewl dide li dijî kuştina jinan berhev bike, wan li bazar û civakan kom bike, berdewam dike. Di heman demê de yên li derveyî welêt, dikarin îmzeyên xwe serhêl bişînin. Jin ji xweşewitandin û şewitandina bi zorê dikşînin. Em dê paşê bi rêya hunermendan, bernameyên televîzyonê, konferansan, semîneran û medyaya civakî hişyariyê bilind bikin.”

‘Ev kampanya gelek jinên jêhatî digre nav xwe’

Wê got ku armanca kampanyayê ew e bi wergirtina destûrên kar û çalakiyan hemû beşên civakê hişyar bike û wiha pê de çû: “Ji bo ku em bikaribin bi destûrnameyê kampanyayê bi awayekî azad belav bikin û armanca me ew e ku em bi rêya medyaya civakî di nav hemû welatiyan de hişyariyê çêkin. Kampanyaya me ne tenê bajaran, gundên Kurdistanê jî digre nav xwe.”

Bahar Mûnzir behsa fikra kampanyayek li dijî xwekuştin û xweşewitandina jinan kir û wiha got: “Di stratejiya Tora 8’ê Adarê de çend xal hene. Yek ji wan ew e ku em li dijî xwekuştin û xweşewitandinê bin. Di vê çarçoveyê de, me kampanya bi hilbijartina çend jinên jêhatî di warên xwe de ragihand. Gelek jinên jêhatî di kampanyayê de kar dikin. Gelek jinên hunermend, parêzer û karsaz dê hişyariyê bidin welatiyan. Em hewl didin ku kuştin û şewitandina jinan şermezar bikin. Beşdariya malbat û jinên ku rastî tundî û xweşewitandinê hatine hinekî qels e, lê em hewl didin ku jin û malbatên ku bedêl dane jî tê de bikin. Hin ji beşdaran malbata jineke kuştî ne. Yek ji wan rewşan bûka jinekê ye ku keça wê hatiye kuştin. Wê got ku keça wê dikaribû sax bimîne ger berê alîkarî werbigirta.”

‘Armanca me rawestandina xwekuştina jinan e’

Bahar Mûnzir ragihand ku piştgiriya ji bo kampanyayê berdewam dike û bi bangek wiha dawî li nirxandina xwe anî: “Me dîrokek diyarkirî ji bo bidawîbûna kampanyayê destnîşan nekiriye. Armanca me ew e ku em bi qasî ku pêkan e mirovan bînin cem hev da ku piştrast bibin ku ti jin bi kuştinê dawî li jiyana xwe nayne. Her kesê ku dikare beşdarî guhertinên ji bo jiyaneke saxlem ji bo jinan bibe, bi me re ye. Ji bo ku jin nebin qurbaniyên kuştin û xwekuştinê.”