Kovara Jin bi sernavê ‘Ji Gurbetellî heta Nagîhanê lêgerîna rastiyê’ derket

Kovara Jin bi hejmara xwe ya 188’an balê dikşîne ser têkoşîna ji bo rastî û azadiyê ya jinên rojnamevan. Di vê hejmara ku jiyan û mîrateya Gurbetellî Ersoz û Nagîhan Akarsel tê lêkolînkirin de, li dijî zimanê medyayê sekneke xurt tê nîşandan.

  • rojane
  • Sunday, 4 Oct 2026, 09:58

Navenda Nûçeyan –  Kovara Jin ku hefteyê carek bi gotar û sernavên dewlemend derdikeve pêşberî xwînerên xwe, bi hejmara 188’an derket. Kovar bi sernavê ‘Ji Gurbetellî heta Nagîhan: Lêgerîna Rastiyê’ derket.

Hejmara 188’an a Kovara Jin ku her hefte tê weşandin, li ser têkoşîna ji bo rastî û azadiyê ya ku jinan bi riya rojnamegeriyê, zanîn û bîranînê didin meşandin, radiweste. Jiyan û mîrateyên Gurbetellî Ersoz û Nagîhan Akarsel tên lêkolînkirin, dengê jinan û zimanê medyaya bi feraseta mêr tê ronîkirin.

Hemû gotarên di hejmara nû de wiha ne:

“* Nagîhan Akarsel a ku asîman li ser baskên xwe hilgirt / Ayşe Newroz Oyman

* Şahidiya serdemek / Mujgan Halîs

* Rojnamevanên jin hêzê di zimanê medyayê de dan xuyakirin / Dîren Yurtsever

* Vartinîs: Agirê ku ji demê derbas dibe / Sumeyye Boz

* Dayîk mirov in; em mirovahî: Neşet Ertaş / Burçak Sel”